Malaysia aom biakpiakna munte ah a ngongtatsawm IS mi 4 kizonsan

Malaysia gamsung aom biakpiakna munte ah a ngongtatsawm IS mi 4 kizonsan

Malaysia gamsung ah IS (Islamic State) tetawh akizom migilo mi 4 te matdingin Police te’n azonsan laitak uh cih NST pan kiza hi. Tua IS member migilo mi 4 tepen Malaysia gamsung aom Muslim biakna ahilo, adang Worship biakpiakna munte leh Police zumte asuksiatsak, adosawm uh kici hi. (planning to launch attacks at non-Muslims’ places of worships and the police)

Hihvai tawh kisai in palik thuneipi ahi Inspector-General of Police Tan Sri Mohamad Fuzi Harun in agenkhiatna ah abeisa February 27 panin March 1 kikal inzong IS galkap mi 6 kimankhia cihi.

Tua akiman IS Militant Member tepen Johor sungpanin Federal police Special Branch Counter-Terrorism Division (SB-CTD) te’n amatkhiat uh ahihi.

Ahi zongin tua akimansa mi 6 te banah adang IS migilo mi 4 matdingin aki zonsanlaitak ahihi. Tua aki mankhia zonailo mi 4 tepen Malaysia gamsung ah National Security asusiathei zahdingin angong gamtatthei ding uh cihi.

Tua matdingin aki zonsan mi 4 te lakah pasal mi 2 tepen pata ahihi. Tua pata tepen Kelantan, Tumpat, Penangkalah Kubor pan hi uh a, atapa minpen Muhamad Faizal Muhamad Hanafi kici in, kum 29 aphakhin khat ahihi. Apa pen Muhamad Hanafi Yah kici a, kum 51 aphakhin khat ahihi.

Adang khatpa pen Johor, Skudai aom hi a, amin Nor Farkhan Mohd Isa kici in, kum 31 aphakhin khat ahihi. Alina papen Thailand, Narathiwat pan hi a, amin Awae Wae-Eya kici in kum 31 aphakhin khat ahihi.

Hih migilo angongtatthei IS galkap mi 4 tepen Malaysia kumpi thunei te’n matdingin alimzonsan mahmah laitak ahihi. Atheikha te’n SB-CTD ah Investigating Officer te Phone 017-6727120 tungtawn in kizasak thei a, tuaban ah anaipenpen aom Police Station ahzong ki zasakthei hi.

More: Gamdangmi te sum aguksak, damiah ataih Malaysia palik mi 10 kiman

Hih migilo 4 te aselcip, apanpih, ahuh aomleh “Section 130M, 130K and 130L of the Penal Code” thukhun ombangin thu kibawlding cihzong Inspector-General in genkhia hi. Tuabang in apanpih aselsim tezong kum 7 panin kum 30 ciangbang thong ki kiasakthei cihi. Hih atunga Photo sungah aki suaksak mi 4 te muhkhakna ah aomleh buaina omkhathei, biakinnsung leh piakbiakna “place of worship” munte ah aom uhleh buaina piangkhathei cih phawk huai, kidop huaihi. Sawltak #zomidaily