Gamdangmi te sum aguksak, damiah ataih Malaysia palik mi 10 kiman

Gamdangmi te sum aguksak, damiah ataih Malaysia palik mi 10 kiman

Gamdangmi te tungpanin sum angen, damiah taihin sum alaksak Malaysia palik mi 10 kimankhia cih theSun pan kiza hi. Tua palik tepen nungkalsung in Setapak vengsung aom gamdangmi “Foreigners” te tungpan in sum alaksak “robbing foreigners” kiciliang hi.

Athupiang ziapen abeisa March 09 ni in Police Uniform asilh sitset Malaysia palik honkhat Setapak vengsung aom gamdangmi te innsaapna tengah thusitna neiding in vakkawikawi uhhi.

Tuabangin Police te avakna ah innlam nasep asem Construction Worker khatleh azi thusitna nei uh a, tuate’nzong ID Card (identification documents) lakthei uhhi.

Tuakhit ciangin avengte innsung ah lutleuleu uh a, tuate pen Indonesia gammi nupa kopkhat aomna ahihi. Tuate nupa in ID bangmah laktheilo, lahding neilo uhhi.

Tuaciangin aveng ID neipa in alawm naseppih te akimatloh nadingin huhnuam ahih manin, asumneih lakpan in RM2000 tawiphei in, palik te sumpia in thuumsak hi. Palik te kiangah kalawmte hong matsakkei tapeuh un ci’n apiaksak ahihi.

Tuapa pen ama inndei sungah aciahkik ciangin asum koihna Cupboard sungah akoih sum honkhat leh suangmanpha Jewellery pawlkhat, akigawm in RM50,000 bang amandingpen avekin na omlo hi.

Tuaciangin tuapa inzong Setapak Police Station ah Report bawlpah hi. Tuavai tawh Malaysia Police mi 10 akiman ahihi.

Zanni in palik thukan makaipi ahi Inspector-General of Police Tan Sri Mohamad Fuzi Harun inzong palik mi 10 akimatlam kiciantak in genkhia hi.

More: Malaysia, Shah Alam ah Police te’n guta innbuluh sawm mi 2 kaplum

Tuabangin gamdangmi te sum aguksak, damiah ataih palik tepen kimankhin a, City Police te’n athu hoihtak kankhiading uhhi. Tulaitak hihvai pen “Section 395 of the Penal Code for gang robbery” thukhun tawh kizui in thu kibawl hi ci’n thuneipipa in genkhia hi.

Guta damiah abengding te’n damiah taihmawkleh….. Sawltak #zomidaily