Biakna sanginn ah naupangkhat akhe kisatgawp ahih manin alangnih in tankhiat kul

Biakna sanginn ah naupangkhat akhe kisatgawp ahih manin alangnih in tankhiat kul

Malaysia, Johor Baru aom gammi te biakna sanginn khatah sangkah in agiakcip naupang kum 11 aphapan pasalno khat sanginn ah akemte’n tuizawn “Water Hose” tawh zepgawp ahih manin akhe dupgawp cihi. Tua adupgawp pen damtheilo ahih manin zato te’n alangnih in tankhiatsak cih theStar pan kiza hi.

Johor Baru, Kota Tinggi aom Private Religious School khatah thupiang hi a, sanginn ah akemte lakpanin azepgawp pen Assistant Warden khat ahihi.

Kum 40 aphakhin sangnaupangpa ii anu genkhiatna ah atapa ii khe pen alangnih in March kha sungin aki zepgawpsak cihi. A tapa in sanginn ah omzo nawnkeng, inn ah hong ciahpih in ci’n anu kiangah anget ngaungau ciangin hihthupiang teng aki theikhiapan cihi.

March 31 ni in sanginn ah kahawh a, atapa pen thazawmgawp in lunghimawhhuai ahih manin innah ka ciahpih cihi. Inn ah aciahpihzawh aci saden in akhe zong alangnih in bawkgawp cihi. Asung ah sikhal omhiding ci’n anu in genkhia hi.

Tuaciang in anu in April 19 ni in Sultan Ismail Hospital (HSI) ah atapa Threatment kibawlding in paipih a, tuani akipan tudong zato ah alumsuak hi ci’n anu in Reporter te tungah tuni in genkhia hi. Zanni Friday ni in akhe Operation kibawl a, alangnih in ki tankhiatsak cimawk hi.

Naupangpa pen akhe alangnih in aki tankhiatsak khit hangin anatna pen hoihthei taktaklo a, anuntakna lunghimawhhuai mahmahlai “Critical Condition” hilai hi ci’n Johor Health, Environment, Education and Information committee chairman Datuk Ayub Rahmat in genkhia hi.

Sultan Ismail Hospital te genkhiatna ah hih naupangpen akhe bekthamlo, adang natna namkhatzong thuaklah mahmahkhat neilai hiding ci uh a, hoihtak sitcianna Investigation bawllaiding uh cihi.

More: Johor kumpi huangsung ah Petrol Bomb alawnphei pasal khat kiman

Kota Tinggi OCPD Supt Rahmat Othman te’nzong hihvai tawh kisai in athupiang teng amanmah hi ci’n genkhia uh a, zato panin Full Medical Report ki ngaklai cihi. Tuakhit ciangin hih naupang azepgawp Assistant Warden pen thusitcianna kineiding hi ci’n Police te’n genkhia uhhi. ZD Sawltak #zomidaily