Ipoh ah mawtaw pailai singkung in dengkha in nupi khat si, adang mi 2 liam
Malaysia, Ipoh khuasung lamzikpi tungah mawtaw apailai khat atungpan singkung puksuk in dengkha citciat ahih manin mikhat si cih theStar pan kiza hi. Ipoh, Simpang Pulai, Jalan Sultan Nazrin Shah ah tuni Saturday ni in thupiang hi a, asi pen numei khat ahihi.
Hih tuahsiatna amukha Witness te’n agenna ah singkung in adenkhakna munpen Symphony Suites Hotel tawh akigaisai “Opposite” aom lamzikpi tungah Saturday nitaklam 3:30pm hunpawl in thupiang cihi.
Mawtaw sungah mi 3 atuangkhawm uh hi a, numei khatpen singkung in denglumkha citciat hi. Adang mawtaw sungah atuang tepen asi numei ii apasal leh ata hiding in ki ummawh hi.
Singkung in adensuk ciangin asi tawh asilo tawh mawtaw sungah awkcip uh ahih manin agei ah amukha leh anawkkha Motorcyclists te’n anungtalai te mawtaw sungpanin kaikhia in honkhia uhhi.
Asilo mi 2 tezong liamveve uh ahih manin Raja Permaisuri Bainun Hospital ah thunei te’n puaksakpah uh a, zatui kibawlpah uhhi.
Fire and Rescue Personnel te’n akipuk singkung pen tantawng uh a, hepkhiatsan uh cihciang kiza pakphot hi. Photo sungah ih muhtheih mahbangin atungpan singkung in adengsuk hi a, mawtaw zong limsiat mahmah hi.
Nungkhasung inzong Malaysia, Malaca State sungah singkungkhat upmawhlohpi in pukvat in mawtaw leh Restaurant khat dengsia ngei hi.
Related: Sihding hun tungnaikei peuhmah ki suakta kiaukiau
Aneipa pen mawtaw ageinai ah aom laitak himahleh dengkhalo bilbel cihi. Sihding ahun tungleh aki pelhtheihloh mahbangin, sihhun tungnaikei peuhleh kipelh vevezel cihding ahidiam, utbangbang Comment ziahziah dihvou leh 🙂 ZD Sawltak #zomidaily
Comment piaknop aomleh...