France gam phalna neilo tawh gambeel alutte amawkna in siamsinna kipialoding ci
Dec. 9, 2016: France in Presidential kiteelna May 7, 2017 ciangin nei ding a, tua-ah a cing thei dingin a ki-ummawh National Front Party makai leh a khauhpai ngiat pawl (Far-right kicite) makai Marine Le Pen in phalna lo tawh France gam-a teng gambeel mite leh gamdang mite tungah pilna siamna sinna ahi zongin health care a khonkhong in ngah lo ding uh a, a mawkna in kipia lo ding hi ci-in zan in Champs-Elysees Avenue-a Christmas market ah gen hi.
Le Pen in France gamah galtai tam hong lut lua ahih manin dal ding hi cih a tangkopih banah European Union panin zong France a kitawpna ding a deih banah EU ten sum kibangin a neih khawm uh (common currency) zat nawn loh ding hi zong ci hi. Tua banah Le Pen in France gam-a gamdangmi (foreigners) ten tangpi tangta hamphatna dingin (social benefit) kumpi in a bawlte a ngah theihna dingun siah (tax) a piak ding uh hi ci hi. France nation policyte pen France gammite bekin a hamphatpih ding hi ci-in tangkopih hi.
US kiteelna ah Trump in gualzawhna a ngahna hangin Trump bangin Muslimte leh gambeelte a muak lua mel lo Le Pen bek hilo-in gamdang tuamtuam ah zong gam uk a suah theihna dingun a lampi ding uh Trump in sialsak hi a ci tam mahmah hi. Tuate lakah a khauhpai pawl (Far-right) makaite hih bang ahi hi:
1. Far-right National Front in May 4, 2017 ciangin France Presidential election ah Le Pen in President Francois Hallande tuh ding hi.
2. December 4 in Prime Minister Renzi in Constitutional Reform bawl ding a lawhsap manin kitawp a, kitelna a om ciangin Five Star Movement Beppe Grillo hat dingin ki-ummawh hi.
3. March 15, 2017 ciangin Netherlands kiteelna dingah Islam langpang (anti-Islam) Freedom Party Geert Wilders (Britain in EU panin a kiphel khiatna ding Brexit referendum a bawl bangin Nexit referendum a deih) leh Prime Minister Mark Rutte (Liberal) poll ah kidem thei mahmah uh hi.
More: Pakistan vanleng khatkia, mi 47 si
4. Aug-Sept. 2015 ciangin Germany kiteelna ah Chancellor Merkel tuh zo zah dingin a hat leh galtaite lak ding a deih lo Alternative For Germany makai Frauke Petry hat mahmah a, opinion poll ah hat tektek hi. Source: The Hindu Photo : Marine Le Pen/ Thang Khan Lian
Comment piaknop aomleh...