Biakna, Ngeina leh Lungsim puakzia

Nang na ngaihsun kha ngei hiam?
Mihingte’ tangthu a pongpi a i et ciang Biakna leh Ngeina a kikhen theilo in tonkhawm den hi. Gentehna in, Kawlbiakna icih Bohdah biakna pen hih minamte Kawlgam ong lutcil a a neihsa uh biakna hilo hi. Kawlgam tunkhit ciang a ong lut, a nung top uh biakna hi. Tua biakna thuzuih zia in a neihngeisa uh ngeina damdam in ong luahkhia a, tuhun ciang Kawl ngeina icih khempeuh Bohdah biakna ngeina ahi hi. Judah ngeina i cih zong, Israel minamte in tangtawng pek a kipan Pasian kiangpan a angah uh biakpiak zia leh Pasian tawh kizop zia tung a kilam ngeina ahi hi.

Zo ngeina e le? Pupa’ khang a i neih i ngeinate zong biakna tung a ki-nga, biakpiak zia tawh kizui a i zat ngeinate vive ahi hi. Tuhun ciang tua pupa’ ngeina pen Christian ngeina tawh damdam in kilaih a, ahi zong in i kiim i paam huzap hang in Kawl/Bohdah ngeina leh Hindu ngeina pawlkhat tawh a mehkhawm kha pian ihi hi.

Biakna in ngeina piangsak OR Minam ngeina i cih, tua minamte’ biakna ngeinate hipah hi… cile’ng 80-90% bang man/dik pah lel ding hi.

Biakna in ngeina dictate bekthamlo in mipi’ lungsim puakzia zong tampitak ong hei, ong influnce/dictate gige hi. A pongpi/lompi a i et ciang,…..

Hindu biakna abia Kalate.. Hindu biakna ah pasian tampi tak nei uh a, tua pasiante a lungsim uh pia kawikawi uh hi. A ngaihsutna uh pasian tampi ah tusak uh hi. Tua ahihman in leitung thu khatpeihpeuh ah zong a lungsim uh phut kawikawi, ngaihsun kawikawi uh ahihman in thu kawikaih a ngaihsut hat zawdeuh uh hi.

Kawl/Bohdah biakna leuleu ciang, pasianpi khat nei uh hitei napi, tua a pasian uh sang a lutol phungzite uh thupi zaw, bia zaw uh hi. Tua puantual san silh lutolte’n acih nak leh niallo, “hmanbah phaya, na cihbang hihen Topa aw”.. cih hilianlian mawk hi. Tua ahihman in nisim nuntak leitung thu ngaihsutna ah zong sawlna nuai ah thumang a nuntak, ngaihsutna a tamzaw ong hipah hi.

Musolman biakna ciang, a biakna in ahilh thupi khat ah “upna tuamkaite, hemkhia hahkhia ding” cih thu hi a, amau’ upna tawh a kibanglo khempeuh upna tuamkai in ciamteh in hahkhiat ding lungsim gilo nei gige pah uh hi.

Christian biakna i etciang, nuntak zia ding thuhilhna ah “itna bulphuh, nang le nang na ki-it bang in na vengte it in” cih himawk ahihman in midangte ading thu ngaihsutna, khualna, khinkhai ngaihsutna tawh nuntakna lungsim ong guan gige hi.

Hih biakna, ngeina leh lungsim puakziate in society ki makaihzia a kipan politics dong ong influence gige cih kimuthei hi.

Hindu biakna abia India ah democracy kizangthei napi, thu kawikaih, deihkaih leh thu nainawng tam mahmah phadeuh hi. Ahi zong in panmun tuamtuam pan pang dimdiam a sepkhop pankhop dan zong siam veve uh hi.

Bohdah biakna a bia nisuahna lam gamtepen democracy tawh kilem thei mahmah lo, ki ukcip, khat ii thupiakna tawh kimakaih lam ah thahat zaw pah hi.

Musolman biakna abia gamte ah midangte khualna omlo, amau’ thu bek kimang ding utna lian a, gitloh gamhtatna lam uang deuh hi.

Christian biakna abia, Christian biakna tung a kilam society ahi nitumna lam gamte ciang, midangte khualna, human rights thupi ngaihsut democracy ki-ukna gam vive ong suak uh hi.

Biakna in ngeina tung bek hilo lungsim puakzia leh gam ki-uk zia/society kilam zia dong ong sai/influence/ dictate gige ahi hi.

(Ngaihsut khak peuh ciaptehna a kong at suksuk maimai hi ei.) Pau Khat Suan