USA, Baltimore City ah Police Officer khat kikaplum, akappa kizonsan
USA, Maryland State sung aom Baltimore City ah Wednesday ni in palik khat ki kapliam in, tua aliamma tawh Thursday ni in sita hi ci’n Baltimore Police Department te’n pulakkhia uhhi. Thautawh akappen tudong ki theinailo, ki manzo nailo a, Police te’n azonsan laitak uh ahihi.
Asi Police Officer pa ii amin pen Sean Suiter kici a, kum 43 aphakhin khat ahihi. Amahpen mikithat te akankhia “Homicide Detective” khat ahihi. Baltimore Police Force ahzong asepzawh kum 18 bang asawtkhin hi a, tuama in Naval Officer khatzong ahihi ci’n Baltimore Police Commissioner Kevin Davis in News Conference ah genkhia hi.
Hih kaplup athuak Officer papen Wednesday ni in alawmte naseppih khattawh 2016 Murder vaikhat tawh kisai in thukan in tua vengsung ah aom uh hi a, mi kithahna vaitawh muanmawhhuai “suspicious behavior” mu uh ahih manin, a encik in aomlaitak uh ahihi.
Full Suit leh Necktie thuahsitset in, Police Badge lakkawm in tua muanmawhpa kiangah Sean Suiter apaiphei laitak kam kinialna piang cihi. Tuaciang in muanmawhpa in Police Officer papen atal ah thautawh kap cihi.
Tuaciang in alawmpa’n zong Radio panin Police Department zasakpah a, zatuibawl dingin Medics tezong sapsakpah hi. Hih thau kikapna apianna munpen Baltimore City ii “Troubled Area” akiciliang buaina atammahmah phadiak leh Crime Rate zong atamphadiakna ahihi.
Sean Suiter pen Doctors te’n anuntakna ahuttheih bangin zatui bawlbawl uh himahleh azingciang siveve hi. Hih Police Officer pa’n zi leh tazong 5 tak aneikhat ahihi.
Federal Agencies te’n tua thautawh akappa pen athu athei leh Information apiathei aomleh $69,000 pahtawina Reward hongki piading hi ci’n tangkokhia uhhi.
We need your tips. Reward now up to $69K. Call any of the tiplines or 1-800-CALL-FBI. Please share. @BaltimorePolice @ATFHQ @MCSMaryland pic.twitter.com/ldhIKRbwiY
— FBI Baltimore (@FBIBaltimore) November 16, 2017
Tua thautawh akappa pen liamna pawlkhatzong neiding hi ci’n Evidence tungtawn in ki genkhia a, Police Officer patawh akinialkhit, akapkhit ciangin ataimang ahihi.
Hihpa thu atheikha leh amukha peuhin amanlang in Phone tawh hong zasakpah un ci’n Baltimore Police Commissioner Kevin Davis in genkhia hi.
USA, California State sungahzong abeisa Tuesday ni in thautawi pasal khatin mun 7 takah thautawh mi kapkawikawi hi. Tua akapna lakah Elementary School kici sanginn khatzong kihel hi. Tua thautawipa phialkapna hangin mi 4 takin sihlawh a, adangzong mi 10 valbang liam kici hi.
More: Las Vegas thaukikapna misi 59 phakhin, aliam bekbekzong mi 527 pha
Tua thautawipa ii aomna innsungteng Wednesday ni in kumpi thunei te’n hoihtak azonkhiat uhciangin, thautawipa ii azi zong innnuai ah asisa in kimu cimawk hi. Azi kaplum masa in, innnuai ah aselcip khitciangin khuasung ah mi ommuang kimlai akaplum kawikawi dingin akuankhia hihtuak mawk hi. US gamsung ah thautawh kikaplum cihpen tunai hongki nawhzak mahmah a, President Trump inbel thautawi khamcipding bangmah genkhiatna neinai tuanlo hi. Sawltak #zomidaily
Comment piaknop aomleh...