Las Vegas thaukikapna misi 59 phakhin, aliam bekbekzong mi 527 pha

Las Vegas thaukikapna misi 59 phakhin, aliam bekbekzong mi 527 pha

Las Vegas khuasung ah pasal khatin thau aphialkap gawpna hangin asi pen mi 59 hitota a, aliam bekbekzong mi 527 bang pha cih NY Times pan kiza hi. Hih Las Vegas thautawh ki phialkapgawpna pen American History sungah thaukikapna mitam asipenpen khat ahihi. “deadliest mass shooting”

Theihding: thuthang, adiakdiak in Breaking News tepen ahunhun in misi aphazah, aliamzah, etc… cihte kilaih totothei hi. Hih thuthang akigelh pen NY Times tungtawn in akigelh ahihi. Breaking News cih akhiatna theileng, ki mawhsak pahpahnading omlo khading hi. Hih Las Vegas kikapna apiancil in thukiza leh tulaitak asi aliamzah pen kibangnawn hetlo hi, banghang?

Hotel Room sungah thaukappa pen Police te’n asisa in mukhia uhhi. Tua thaukappa pen kum 64 aphakhin Stephen Paddock kici hi. Hotel Room sungah Rifle thautampi kimukhia a, Monday ni inzong aomna a innsungteng ki Check laiding cihi.

IS migilo te’n Stephen Paddock pen ka galkap khat uhhi ci’n pulakkhia uh a, hih agamtatna zong amau ii sawlna tawh agamta hi ci’n genkhia uhhi. Hihbang in agamtatma khakhat hunlai in Islam biakna lutin, hihbang in agamta hi ci uhhi.

Ahi zongin tuabang acih uhhangin bangmah lahtheihding Evidence neilo uhhi. FBI te’n tua bangin gamdang International Terrorist Organization tawh kizopna bangmah kimulo ci uh a, ameltheih tanau te’nzong Stephen Paddock pen Political leh Ideological Beliefs lamsang ah bangmah kihelna neilo ci uhhi.

US President Donald Trump inzong White House ah hih kikapna vaitawh thugenna nei in, hihbang gamtatna pen “act of pure evil” hi ci’n mawhsak mahmah hi. Gambup in ki pumkhatding, kithutuak in ki pumkhatleng kuamah in hong susia, sukham zoloding uhhi ci’n genbeh hi.

Stephen Paddock azintunna Hotel Suite sungah Police te’n thauvan tawh kisai Firearm bekbek akigawm in 23 bang mukhia uh cihi. Tualak ah Handgun, Rifle cihte vive hi a, tua Rifle thaute zangin mipi te akapgawp ahihi ci’n Las Vegas Metropolitan Police Department te’n genkhia uhhi.

Sheriff Joseph Lombardo of the Police Department in agenkhiatna ah hihpa pen hihmun ah aomsung in Suitcase bekbek 10 bang Hotel Room sungah lutpih cihi.

Video: Witness footage of Las Vegas music festival shooting – video report

Stephen Paddock pen Game kimawl a ukmahmah khat hi a, Golf zong kimawlzel cihi. Abeisa in bangmah gitloh gamtatna Criminal History neingeilo cihi. Asanggam te’nzong hihbang in agamtat pen lamdang samahmah uh cihi.

Thau kikapna aging masapenpen ahihleh Sunday 10:08pm hunin akap masak ahihi. Route 91 Harvest Festival ci’n nithumsung akibawl Concert pen anitawpni in hihbang in buaina apiang ahihi. Concert pawi enin mipi 40,000 bang aomna sungteng aphengkapgawp ahihi.

Related: Mandalay ah apuakkham omin mi 1 liam, Motorcycle khat sia

Stephen Paddock pen azi ahilo numei khattawh a inn ah aomkhawm uh ci a, tuanu minpen Marilou Danley kici hi. Tuanu pen ama Australian Girlfriend kici a, Housemate leh Partner zong kici hi. Hihtegel aomkhopna innsungteng thunei te’n asit ciangin Firearm bekbek 18, apuakkhamthei leh thautang tultampi mukhia uh cihi.