Indonesia, Bali tuikulh tungah gunkuang 40 phialbang mei kanggawp

Indonesia, Bali tuikulh tungah gunkuang 40 phialbang mei kanggawp

Indonesia, Bali tuikulh tung aom Bali Port kici gunkuang leh tembaw te akhawlna ah meikanggawp cih AFP pan kiza hi. Meikatna hangin Firefighter te tuitungah meiphelh in buaimahmah uh a, Boat zong tampitak kisia hi.

Meikat akipatna hunpen zanni zankim hunpawl kici a, gunkuang “Local Vessel” bekbek akigawm in 40 phialbang mei kanggawp hi. Ahi zongin asi aliam bel kuamah omlo bilbel hi.

Bali police spokesman Hengky Widjaja inzong tuciangciang asi aliam kuamah kizakha nailo hi ci’n genkhia hi.

Tua meikatna munpen Benoa Port kici a, Kuta kici khualzinte apainop diakna “Popular tourist hub” tawhzong akinai mahmah ahihi. Mei akat ciangin vandawn ah meikuang kilawnto ziahziah in, meikhu zong vomneinai in khukhia hi.

Firefighter tepen buaimahmah uh a, zingsanglamdong meiphelh in kipei ngeingai uhhi.

Video: A massive fire laid waste to dozens of boats at a Bali port on Monday (July 9) as firefighters battled to bring the dramatic blaze under control. The fire started around after midnight on the Indonesian holiday island and quickly engulfed nearly 40 local vessels but no injuries were reported, police said.

Hih meikat laitak in gunkuanghawl Supriyanto kicipa ii genna ah amahpen Boat sungah a ihmu in aom hithiat kahi cihi. A khanlawh ciangin atuanna Boat ii atunglam mei akuang kamu a, tuaciangin ka khanglo cihi.

Tua meikuangpen manlangtak in kilawhphei ngeingei a, vanpuakna Cargo Ship pawlkhatzong mei kanggawp hi.

More: Indonesia, Bali ah nelvang sung vankham hento in apuasim mi 3 kiman

Ageinai panin amukha te’n agenna ah hih meikat akipatna pen meikhau “Electrical Malfunction” hiding ci uh a, ahi zongin kumpi thunei te’n hih meikatna avaipen akansan laitak uh ahihi. Indonesia gamsung ah meitawh kisai zuihding thukhun “Fire Safety Regulation” te hoihtak kizuilo ahih manin, Accident meikatna piangthei zelzel kici hi. Sawltak #zomidaily