Thai gamsung numei agol melhoih kidemna ah 105kg apha khatin akhatna ngah

Thai gamsung numei agol melhoih kidemna ah 105kg apha khatin akhatna ngah

Thai gamsung ah numei athau agol theithei kidemna neithei zelzel uh a, tuapen “Jumbo Beauty Queen” ci’n minvawh uhhi. Tukum 2018 kum aiding inzong numei athau agol melzong asialualo kidemna pen abeisa February khabeikuan in Nakhon Ratchasima Province sungah nei uhhi.

Tualai ah Jumbo Beauty Queen pahtawina angahkhia pen numei agihna 105 kg aphakhat ahihi.

Tua Jumbo Beauty Queen kidemna ah akhatna angahnu pen amin Kwanrapi Boonchaisuk kici a, kum 29 aphakhin khat ahihi. Tuanu pen kumpi ulian Industry Minister asemngei Prasert Boonchaisuk ii tanu ahihi.

Tua numeinu in melhoih kidemna Pageant ah akiheltheih pen angtang mahmah in, ka thauluatna Obesity pen anawngkai khatin ka ngaihsun ngeikei hi ci’n genkhia hi. Ka melpuak leh ka omzia Personality ahi zongin, ka maitaina leh mitawh kaki kholhtheihna Friendliness cihte’n akhatna hong ngahsak hidinghi ci’n kipaktak in genkhia hi.

Tuaban ah kapumpi aomzia, aphacia pen kadeih a, kakipak mahmah hi ci’n Kwanrapi Boonchaisuk in lungkimtak in genkhia ziahziahlel hi. Amahpen Nakhon Ratchasima khuasung ah aomkhat hi a, mohbawlna Bakery Shop khatzong aneikhat ahihi.

Video: A 105kg woman has been crowned Jumbo Beauty Queen at a colourful pageant over the weekend in Nakhon Ratchasima province

Numei athau tepen bangmah lungkialo in, eileh ei kimuanna Self-confidence neihding leh bang semthei ing cihpen kimuan mahmahding thupi hi ci’n thapiakna neikhia hi.

Hih Jumbo Beauty Queen kidemna alutding tepen atawmpenpen agihna 80kg aphakloh phawmawhsak uhhi. Tukum akhatna angahnu pen Thai sumin 10,000 baht ($420) leh Trophy cihte pahtawina pia uhhi. Tuaban ah nahtang “Banana” zong pia uhhi 🙂

First Runner-up pen Kamonwansiri Thanasiriprasert akici khatin ngah a, pahtawina Thai sum 7000 baht leh Trophy kipia hi. Second Runner-up pen Patcharaporn Tianphu kici khatin ngahin, pahtawina Thai sum 5000 baht leh Trophy khatmah kipia hi.

More: Myanmar, Kyaiktiyo Pagoda ah kum 4 sung gamdangmi lutman Kyat Thein 29,687 kingah

Eizong athau agol athacing kidemna khawng khatveivei bawlzelleng bang acidiam? Ahih keileh ih Zolia te “Jumbo Beauty Queen” kidemna ah paisakleng….. Sawltak #zomidaily