Thai kuahawm sungah a awkcip naupang 4 ki hotkhiat behthei, mi 5 cianlai

Thai kuahawm sungah a awkcip naupang 4 ki hotkhiat behthei, mi 5 cianlai

Thai gamsung kuahawm sungah a awkcip naupangno 4 ki hotkhiat behthei hi ci’n Rescue Mission makaipi ahi Narongsak Osottanakorn in zanni Monday nitaklam in News Conference ah genkhia hi. Tua naupangte leh asiapa hotkhiattheih nadingin Rescue Operation pen Sunday ni in akipan uh ahihi.

Monday ni Rescue Operation pen lametna sangin manlangzaw, baihzaw a, akigawm in nai 9 sungin ki zosiangthei hi. Sunday ni in nai 11 sungtak ahunbei himahleh Monday niciangin nai 2 manlangzaw in, nai 9 sungin Rescue Operation kizothei hi.

Sunday ni in akihonkhia naupang 4 hi a, Monday ni in naupang 4 mah ki honkhiat behthei ahih manin, tuciangciang akigawm in naupang 8 aki honkhiatheita ahihi.

Rescue Mission Chief in agenkhiatna ah Sunday ni in Rescue Operation pen zingsang 10:18am in kipanthei a, anunung naupang aki hotkhiatkhit ciangin nitak 9:30pm hita hi. Akigawm in nai 11 sung ahunbei hi.

Video: Eight of the 12 boys trapped with their soccer coach in a labyrinthine flooded cave complex in northern Thailand have been freed, authorities said on Monday, adding that the time for rescuing the others will depend on the weather. The mission which started Sunday is a race against the clock with heavy rain expected this week which would again flood the tunnels with fast-flowing, rising water.

Monday ni ahihleh zingsang 11am hunin kipan a, nitaklam 8pm hunin Rescue Operation kizothei hi. Akigawm in nai 9 sungbek hunbei a, Sunday ni sangin nai 2 ki manlangzaw hi ci’n genkhia hi.

Hihbangin amanlang zawkna pen Rescue Mission ah mi tampi kibehlap ahih manin aki manlangzaw ahihi. Tuisunglutsiam Diver vekvek mi 18 leh adang Rescue Operation ah akihel pen mi 100 valbangin semkhawm ngeingai ahih manin Monday ni naseppen ki manlangzaw hi.

Tham Luang Cave kici kuahawm sungah a awkcip limlimpen naupang 12 leh asiapa ahihi. Tuciangciang naupang 8 ki honkhiathei khinta hi. Asungah acianlai mi 5 tezong avek un cidam, Good Condition hi ci’n Doctor pa’n genkhia hi.

More: Thailand ah numei khat Facebook Live akizaih kawmin tuisung ah tuaksuk

Tua Tham Luang Cave sungah acianlai mi 5 te aki hotkhiattheih nadingin tuni Tuesday ni in nasep kipankik leuleuding uhhi. Thai Authorities te’n Press Conference ah agenkhiatna ah Tuesday ni in guah azuloding in ki lamen a, tuahileh Rescue Operation zong ki manlangtuam zawding cihi. Sawltak #zomidaily