Myanmar, Bago aom tagah kepna sanginn khat meikangtum citciat

Myanmar, Bago aom tagah kepna sanginn khat meikangtum citciat

Myanmar, Bago Region sung aom tagah kepna “Orphanage” sanginnkhat meikangtum cih Eleven News pan kiza hi. Tua tagah sanginn pen dawlnih “two-storey” apha hi a, nung Tuesday sunkim laitak in akangtum ahihi. Tulaitak tua tagah sanginn ah akikem naupang te nekledawn, silhleteending neilo in cimawh mahmah uh cihi.

Tua Orphanage School pen Gyo Bin Gauk Township, Thin Kha Yaing khuasung ah aom hi a, sangnauapang akigawm in 125 bang akikepna ahihi. Sangnaupang tepen mukhu “kindergarten” panin tan 4 dong ahihi.

Hih meikatna sanginn ii atungdawl Second Floor ah sangnaupang akigawm in 50 bang agiak, aomcip uh ahihi.

Tagah sanginn ii atungkhuh sikkang tungah nisa tawh Battery tuanna Solar Panel vive akithuah ci a, Local Fire Services Department te genkhiatna ah meikang pen tua Solar Panel te panin akipan hiding ci uhhi.

Tua tagah sanginn ah asem ahi Sayadaw Thu Mana in agenna ah tua Solar Panel tetawh Battery akizom hi a, azanni inzong Charging akibawl cihi. Tuani in Charging akibawlbeh ciangin Battery tepen salua in, tuapan in meikuang akipan hiding hi ci’n genkhia hi.

Kamphatna tawh sangnaupang tampi akikem ahih hangin asi aliam kuamah omlo bilbel hi. Ahi zongin sangnaupang te ii aneihsa nikteen puansilh, Texbook labu tuamtuam, Exercise Book tuamtuam leh aneihsa khempeuh uh kangtum cihi.

More: Naungek suakcil khat vankhak bangin tuamcip in tagah kepna puaksak

Sayadaw Thu Mana in agenna ah hih naupangno te ii laisinna, laihilhna pen kikhawlbawl tuanloding a, ahi zongin tulaitak nikteen puansilh, zanpuan leh thopuan cihte kisamkin mahmah hi ci’n genkhia hi.

Hih tagah sanginn pen abeisa kum 5 hunlai in akilam hi a, akilam hunlai in Kyat 18 Million (US$13,200) bei in akilam ahihi. Sawltak #zomidaily