Kimpu leh Kimpi – 23
La hong sate tungah i lungdam hi. Lasiam tampi i neih manin a banban in hun neihdan tawh kizuiin i sam zel lai dinga… leh, tu in thugenna hun nihna nei dingin Prof. George Kham sam hipah ni. Amah muakna in i khutbeng ziahziah ni.
Prof. George Kham:
Lu-dam, lungh-dam, ludam ma-mah.. thank you…(american accent) – thank you very much, thank you.
Tuni pen, kei zong thugen thei dinga hun ka ngah manin ka lungdam ma-mah hi. Kei pen America ah ka pa in hong taipih a, R tawh a tung hi ung. Tua pan in ka khangkhia a, Zawpau (Zopau) pen ka siam nawn ke (kei) hi. Mikangpau tawh kong mix kha ding hi. Hong theisiamta un. Sorry ma-mah hi. Mailam ah Zawpau (Zopau) ka siam zawkna dingin ka return ciangin ka kisin kik ding hi. Ke (kei) pen, ka pate in New York ah hong teenpih a, tua lai ah sang ka kah hi. Lai hahkat in class ah zong a khatna khawng ka ngah hi. Tua panin University ka study ciangin ka lawmte in zong lamdang asa hi. Anthropology lam tawh kisai ka interest manin ka simsim a, nuam kasa ma-mah hi. America ah zong kei ma bangin mi tampi Zawpau (Zopau) siam mello tam ta hi. Tua pen ka study ciangin phamawh kasa ma-mah hi. Ka nu ka pa pau ka siamlo pen keima khelhna hi. Ka study hoih mahmah ding, ka siam mahmah ding ahi hi. Ka inn vua Zawpau (Zopau) ka zat uh hang ka sanginn ah English ka zang uh hi. Lawmte kiangah zong English ka zang uh hi. Church ah zong Sunday School ah zong Zawpau (Zopau) zanglo in English bek ka zang uh hi. Ka zi pen eimi hilo a American te ahih manin aman Zawpau (Zopau) siamlo hi. Ahi zongin hong it ma-mah hi. Zawmi (Zomi) te it ma-mah hi. A regards zong hong khak hi. I vekpi in hong khak hi.
Tuni ka thugen ding hong pia Siamsin Students te in ka lungdam ma-mah hi. Ka thugen dingah ka start pah mai ding hi. Eite pen i kibatna tampi a omsa hi a, ahi zongin mi tuamtuam tawh i tenkhop manin i ngeina leh i miziate kikhekkhek hi. Tu in zong gamdang tungsa te a mizia leh ngaihsutna, ngeinate a kikhekkhek hi. Tua pen ei bek hilo a leitung mi khempeuh ahi hi. Amau mi tawmzaw (minority) ahih nak leh a mi tamzaw (majority) te omdan akizui ngeina ahi hi. Tua pen leitung dan ahi hi. Leitung pen mi khempeuh a kibang ahi hi. A pem zong om, a galtai zong om, a utnana ah a pai kawikawi zong a om ngeina hi. Ahi zongin tuhun ciangin mi tampi tua banga pem kawikawi na hong tam semsem hi. A hang pen leitung khualzinna ol mahmah ta hi. Ei zong tua hun ah i lutto ta hi.
Tua bang ahih laitak in eite i bulpi, i ngeina te midang tawh kibanglo hi. Chinese te tawh kibang khin lo hi. Burmese tawh zong kibang lo hi. Eite mi tuam i hi hi. Ahi zongin mi tampi hilo i hih manin mi tamzawte lak ah i om ciang eima ngeina a ki kemzo kei hi. Ahi zongin mi tuampi khat ihi hi.
Eite pen minam khat i hi hi. Everyone in i ngeina, i customs and culture te i kepbit sawm ding ahi hi. I pau zong i siam ding ahi hi. I festivals te zong i theih ding ahi hi. I traditions tuamtuamte zong i theih ding ahi hi. Eite kuate i hiam cih i theih ding ahi hi. We must know who we are. Mi pau i siam leh zong eite kuate ihiam cih i theih ding ahi hi. Tua pen eite khempeuh duty ahi hi. Our duty to preserve the traditions and culture must be taken seriously ahi. Tua ahih kei leh mite in hong assimilate ding ahi………
Thank you. Lungdam mahmah. Thank you, thank you, thank you.
Thuhoih mahmah hong gensak Prof. George tungah i lungdam a, a ban theihbeh nop i neihte den ciang Dotna leh Dawnna – D&D hun ah i dong ding uh ahi hi. Khutbetna tawh lungdamko ni.
Tuin a thumna Prof. U Go, Kawlpyi sam nuam leuleu i hih ciangin ama thugenma in lasa siam khat ka sam nuama, tua ma in ciamnuihsiam khat ka sam nuam hi. Maithak muak ni a ciamnuih kidemna ah khatna a ngah Tg. Kuak ciamnuih gen dingin sam phot ni. Minute 5.
Huuuuuuuuuuuuuuu….. khutbeng ziahziah………….. clapsss………..
(zop lai ding)
Hau Za Cin
Phuitong Liim
Comment piaknop aomleh...