Australia, Melbourne ah Christmas ciang Bomb asukkhapsawm mi 7 kiman

Australia, Melbourne ah Christmas ciang Bomb asukkhapsawm mi 7 kiman

Australia, Melbourne City sungteng ah Christmas ciangin Bomb tampi abanban in apuakkhap saksawm migilo mi 7 Friday ni in kiman cih Australian Police te’n genkhia uhhi. Hibang in gamtat sawmna pen gitloh ngongtat gamtatsawmna hi a, Islamic State te ii thuzawhna tawh agamtatsawm uh cih Reuters pan kiza hi.

“Kastelholm” cih Code Name tawh khuasung siansuahna Security Operation akibawlna panin pasal 6 leh numei 1 aki mankhia ci a, avek un Australian Citizens vive hi uh a, kum 20 gualpawl ahi uhhi. Hih Security Operation bawlna ah Police leh Domestic Spy Agency mi 400 bang kipawlkhawm in, siansuahna aneihna panin amatkhiat uh ahihi.

Australia Prime Minister Malcolm Turnbull inzong Reporters te tungah agenkhiatna ah hih ngongtatsawmna pen Islamist Terrorist te thusim geelna “Plot” ahihi ci’n genkhia hi.

Hihbang in Christmas ni sese in apuakkhapsak sawmna munte zongpen Melbourne khuapisung aom munnopci leh mi atamtheithei aomnading munte hi a, tuate lakah Federation Square, Flinders Street Station, St Paul’s Cathedral cih munte kihel cih kiza hi.

Hihbang in agamtatsawm tepen Australian Citizens cihhang in amakaipipa pen Egypt pan Australia gammi asuak hi a, anungzui alawmte zong Lebanon gampan in Australia gamsung ah alutte ahi uhhi. IS galkap te ii gamtatzia in nazawhthawh in, napaktagawp uh a, amauzong tuabang in agamtat siatsawm uh ahihi.

More: Libya vanleng A320 ki Hijack in, Malta kibawhsak

Melbourne khuapi sungah hihbang thuhangin Security pen Friday ni akipan kikhanto a, palik tampi kikoihbeh cihi. Christmas Day leh Christmas ni khitciang akizangzel Boxing Day te ah Melbourne khuasungpen kumsim in mi tultampi aki kaihkhoptuah zelna mun hi a, Security ki hanciam mahmahding cih kiza hi. ZD Sawltak #zomidaily