Sehnel Mualte – The Wonder of Indiana
Indiana Dunes a kici sehnel mualpente pen Indiana State Park sung-ah om hi. Illinois khuapi Chicago mailam tai 47 na-ah om-in Michigan Bualpi(Lake) pangto teng-ah om hi.
Hih bualpi kimteng-ah Tuipi (Ocean) kim bangin sehnel-piau (Beaches) leh Sehnei-maul (Dunes) te tampi om hi. Hih State Park sungah Tuibual nuam (swimming), Nilum awi nuam (Sunbathing) leh picnic pai mi ki paihpeh den hi.
Vasa nam tuamtuam etnuam te aa ding in Bird Observation Tower zong om aa, Sehnel Mualdawn pan a khuadak nuam te-a dingin Odservation Platform te zong om hi. Mt. Tom vum-a om Observation Platform pan gam-mang tuu-lak ki mu-a, Chicago khuapi zong ki ngalmuh hi. Mualkah zawi (Hiking trails) tuamtuam leh Siksakol siknang (Cycling) tuamtuam zong om hi.
Hihmun-ah a muhnop phadeuh mual phawlkhat Bualpi pan a san-na pi 192 a pha, Mt. Tom, Pi 184 sang Mt. Holden leh Pi 176 sang Mt. Jackson te a hihi. Tai 1.5 a sau Zawi-8 (Trail 8) leh Tai 5.5 sau Zawi-10 (Trail 10) te ban-an Beach House Blowout leh Furnessville te zong muhnop ki sa mahmah hi. Mitkha tawh a mu nuam te-a ding-in a nuai ah Tom-Kim-Cing in ki en thei hi. Andrew Khai
Comment piaknop aomleh...