Malaysia, Ampang vengsung ah Operasi lutin gamdangmi 35 kiman

Malaysia, Ampang vengsung ah Operasi lutin gamdangmi 35 kiman

Malaysia, Ampang vengsung aom Construction Site khatah Operasi lutin gamdangmi nasemte lakpan Work Permit kician aneilo mi 35 kimankhia hi ci’n theStar te’n tuni in pulakkhia uhhi. Kuala Lumpur, Jalan Ampang Kiri sungah “Operasi Tapak” cih minvawh in, Government Agencies tuamtuam panin Officers honkhat in nungsungteng Operasi abawlkhawm uh ahihi.

Operasi alutna Construction Site pen aki zokuan dekdek innkilamna khat hi a, Officers bekbek akigawm in 100 valbang lutkhat in lutkhawm ngeingai uhhi. Operasi lut cih akitheih ciangin gamdangmi nasem te patau in taisimsawm uh a, pawlkhat innkilamna asangdawn lamah ki bucip uhhi.

Kuala Lumpur City Hall (DBKL), Police, Civil Defence, Immigration Department cih kumpi nasem Government Agencies tuamtuam panin Officers bekbek 100 val bangin kipawlkhawm in Operasi abawl uh hi a, gamdangmi Work Permit neilo akigawm in 35 kimansuak hi.

DBKL Enforcement Department director Ab Salim Mansor in agenkhiatna ah akiman tepen pawlkhat Work Permit neilo, pawlkhat Overstaying cihkhawng ahihi ci’n genkhia hi.

Tuaban ah DBKL panin hih innlamna Construction Site ah thunei te, Architect leh Consultants te thukhun palsatna tuamtuam hangin Compound Notice kipiading a, akiman gamdangmi nasemte pen Immigration Department te’n akisambang in Action lading uhhi ci’n genbeh hi.

DBKL thunei te’n nasepna Construction Site sungah sianthona aomhiam ci’n Check kawikawi uh a, tuikivung leh phangphual lungno khawngzong mukhia uh ahih manin mawhpuak aneite thu kibawlding hi.

Abeisa January panin September kikal sungzong muntuamtuam akigawm in 364 Locations ah Checking kilut kawikawi in, asiangtholo mun 92 te Notice kipia hi ci’n genbeh hi.

Related: Malaysia, Klang vengsung ah Operasi lutin gamdangmi nasem 113 kiman

Gamdangmi te omna, innsaapna tepen utbang in innsung deibeh, innkhat sungah aomzahding sangin atamzaw om, anhuanna tuizatna siangtholo, thokang tamin TB natna khawngzong piangthei cihtawh DBKL te’nzong Operasi akibawl ciangin zui uh a, innteekte thu bawlthei uhhi. Operasi vai, kimat kihenvai akigen, akigelh ciangin mipi lunghimawh sakgawp nading, lauthawng sakgawp nading cihbangdan hizawlo a, Operasi omtheizel ahih manin, kidop huai cih theihsakna hizaw hi. Atelsiamding in Topa’n thupha hongpia tahen! Sawltak #zomidaily