Zolai alamsang ZOLUS kum 20 cinna ZOLUS Award Pahtawina

Zomi te sung ah pilna khuavak hong taangsak
“ZOLUS “Kum 20 cinnna ah
A (3) Veina ZOLUS Award Pahtawi Piakna

Zomi Literature Uplift Society (ZOLUS) [Zolai Masawn Pawl] ii Kum 20 cinna le A (3) veina ZOLUS Award Pahtawina pen March 28,2016 ni in Bethel Baptist Church, Innsein, Yangon ah kibawl hi.

Yangon ah aom thei nasepna ngah mimpi 40 kim kihel thei hi. ZOLUS Kipatcil makai te sung psn US ah ateng Rev. Dr. Kham Khan Khai le Pa D. Vung Lian Mang te kihel thei uh a, Zogam pan in Sia Gin Sian Pau in hih pawi ding ngiat in Tedim pan kihel thei hi.

Makaipi Prof Dr. C. Thang Za Tuan in thukonghonna, Rev. Dr. Kham Khan Khai le Pa D. Vung Lian Mang te ZOLUS hong piankhiatna, nasepna tangthute pulakna nei hi.

Lasiam Tg. Khuppi le Lia Ester Sanpi te in thapiakna Zola lasakna nei uh hi.

Pahtawi piakna hun ah a ngah te le amau bawl khiat laibute nasepna te tawh kitangko khawm in kipia hi.

• 1. Pi Luan Za Cing
• – Tedim-English Disctionary
• – Sukte Chronicle Vol 1-15
• – Tedim gam Christian Tangthu leh Sangmang Rev. Sukte. T. Hau Go Taangthu

• 2. Dr. Sian Za Kham
• – “Ei Tuan Sinthu”
• – “Zola Lacin La Tang dawng Tul 1”
• – Glimses of Zomi Animism in Retrospect (English)

• 3. Siapi Khup Lian SEO
• – Tedim – English Dictionary 2nd Edition
• – Zolai tawh akibawl Magazine, Journals, Bulletin te laimanpha tampi gelh khiaZOLUS Journal ah Kum 2010 pan in Kumsim Thubulphuhte a nupa un gelh ngiat.

• 4. Pa Gin Sian Pau
• – GS Pau cin ‘pen name’ tawh laimanpha articel 800 val gelh khia, Ama laigelh te Kawlgam, Vaigam a om Zomite lak ah zeelkim in Zolai a zuunna tawh minam puahz

• 5. Prof. C. Thang Za Tuan
• ZOLUS kiphuatcil akipan 2015 Col. H. Kam Pum hong nusiat dong Vice Presdient, tua pan tuni dong President, Chief Editor sem in kipiakhia,
• “Let’s Learn & Speak Zomi Language”
• “Piada pan Deputy Director General ah”
• “The Intelligent Man’s Guide on Education in 21st Century”

ZOLUS pan Lungdamkoh pahtawihna

1. Rev. Dr. Jacob Kham Khan Mung (Founding Member) in CLC Book Storepansan in Circulation & Distribution vaipuak a lakna

2. Rev. Dr. Thawng Za Mung
ZOLUS Journal 1 pan 18 dong Kumpite lampan nawngkaina a om lohna ding in “Registered under MBCF” cih dinmun pan hong bawl khiat sak

Rev. Dr. Thawng Za Mung le Siavuan Thang Cin Mang te in ZOLUS nasepna hanthotna, Laigelh na ii a thupitna te genna nei uh hi. Hunte nitak 5:30 in kizo a, angkung umkhopna kinei hi.

Hun zeekzia khempueh Pa Cin Suan Mang in makaiha, Sia Lianpi (Taang Lungtup) in mipi late hong makaih hi.

Akibawlna Bethel Baptist Church – Yangon pen Bethel Mission Huangpi sung ah om a, ZOLUS Founder khat mah ahi Rev. Dr. Jacob Kham Khan Mung’ Pasian nasepna phualpi ahi hi.