Aizawl khawsung mawtaw tai ding dan leh bazar lam ding pwlkhat

Aizawl khawsung mawtaw tai ding dan leh bazar lam ding pwlkhat

Aizawl khawpi ah July ni 1, 2015 takpan mawtaw parking fee ki sangsak ding. Aizawl AMC in aizawl khawpi sunga mipite gamtat nopnading ahih lamen in city bus hatzaw a tai theih nadin green line express bawlsawm in, AMC excutive councillor parking Rosiamngheta in zani in aizawl press club ah thuthak late khawl-in parking fee saansak ahih ding thu gen in, “hih parking fee sansak ding pen siah lak utman hi loin, suakta taka mipi gamtat theih zawk nading hi” chi.

“Parking fee pe utlo te parking area ah mawtaw koih lo dingin gen in, sum pe utlo te pen fee khon te-in palik ah theisak ding in, a mawtaw uh khai sak hizel ding. Hih parking hanga complain ut te’n parking recipt tawi in complain theih dinghi” chi.

Kumpi nasem te’n zong a office area pua vuah mawtaw akoih uleh sum apiak uh kul ding a, sang naupang te’n zong a sangin upan pi 300 sung ah akoih uleh asang I D utawh aman ngeina lang 50%ki niam thei ding chi.

Sum zonna mawtaw; city bus, line bus, texi, maxicab, LPK leh pick-up te’n a stand fee uh apiak ding uh hi a,a pelo te stand ah ding theilo ding chi.

Fee khan dan pen tu-a zatlai pan tuat in naikhat huamsung te-ah akhep in khang ding a,nai khat leh asanga tam khawl ta dingin two wheeler in Rs 10 leh LMV in Rs 20 hi dingin, mun lun deuh namun te ah mundang sangin mawtaw koih man sang zawding chi.

Zan chianga lamdunga mawtaw koih man zong kibawl in, tuate local council te uk dinga kibawl a hi hi. Lamdung aa mawtaw koih man zong category thum aa bawl hi a.

Category-A ah LMV in Rs 600 leh, two wheeler in Rs 250. Category -B ah LMV in Rs 400 leh two wheeler in Rs 150. Category -C ah LMV in Rs 250 leh two wheeler in Rs 50 hi ding hi.

Dotna dawng in zan a lamdung a mawtaw koih pwlkhat pen loh theih loh man ahih man in local council in ageel bang un ki koih thei ding chi.

Aizawl khuapi sung gamtat nop zawk nading in green line express bawlsawm hi a, city bus owners association (ACBOA) tawh ngaihsun lai uh chih gen. July 13.2015 chiang taisak sawm hi a, AMC counselor in zong thukim hi. A tuan man ding pen ACBOA te’n geel ding uh chi in, city bus sangin tuanman sang deuh ding chi.

Ageel dan uh, green line express dingin city bus ngeina mah hi dingin, city bus te ki taikheel ding uh hi. Ngaizel pan zemabawk kikal ah stand 6 bek om ding a, City bus ngeina sangin manlang zaw ding a lamet a hi. City bus ngeina pen stand 20 val om chi in gen.

AMC te-in texi stand teelsak ngeina te ah texi tailai saplut nading texi waiting zone bawl asawm thu uleh, kudam lian pipi te’n khuapi pua ah aki khin nading un anget thu uh gen.

AMC makai te-in maxicab te a stand upan a paikhiat ding uh gen kik uh a, counter licence nung ah counter geiah pick-up leh dropping phalloh ahih thu tel takin kigelh hi chi.

Bazar ki lamthak ding

Aizawl new market aa sa sai aphelh peen uh a lamkik nading in project sum teng 1300 peen North Eastern Council (NEC) in thukim uh chih Trade & Commerce Department makai te in gen.

Sasai lamphat nadingin 90% (teng1170) pen NEC in sik ding a, Mizoram kumpi in 10% (teng130) sik ding hi.

New market aa sa zuakna Inn lam nading in NEC in June 16, 2015 in first instalment teng 468 ongpeta a, sum pen 2015-16 sunga zat ding hi. T&C dept makai te’n dotna dawng in, Sasai lamthak ding pen dawl kua ding hi a, a vekpi golna pen Sq. Metre 7807.2 ahih ding thu gen hi.

Sasai lamthak ding ah kidom toh na (lift) om ding a, while chair a pai theih dingin kibawl ding a, mipite zun leh ek thak nading Inn dawl kim ah kibawl ding hi.

T&C dept makai te in mission veng bazar zong NEC sum zang a lamphat ding thu gen uh hi. Tua bazar lam nading in sum teng 598.41 ki geel a, first instalment muta uh hi. Sum pen NEC in 90% leh mizoram in 10% sik ding hi.

Vairengte bazar zong kilam hak lo dinga, alam ding contractor zong a kiteel khit thu dept makai te’n gen uh hi. Alam nading in sum teng 387.67 ki thukim a, first instalment in sum teng 139.55 muta uh hi. Tua zong NEC in 90% leh mizoram in 10% sik ding hi.

T&C dept market tuamtuam akhep , a kipan 2014-15 sung in Rs. 15424770 sunglut uh a, a kung uh (target) uh Rs. 14700000 pen Rs.724770 in keng uh hi.

Mizoram ah bazar 225 om in, tua lak pan 25 pen T&C dept in kem a, a dang 20th pen local council leh village council te leh T&C dept te pang kop in a kep uh a hi hi.

Muana Zomi