Nupa omkhopna pen taneih nadingbek hilo hi

Nupa omkhopna pen taneih nadingbek hilo hi

Pasian in Adam leh Eve pen nupa omkhopna sex azang khawmdingin ki teengsak a, mun khat huan khat sung ah suak ta tak in koih khawm hi. Tua aki teensakna adeihna bulpi in, nih hi nawnlo-in pumkhat hihna alahna ahi hi. Tua ahih manin nupa sex zatna pen ta neih nadingbek hilo hi. Nop sak na ding zawng a hihi. Nupa omkhopna pen nupa kal anoptheih nadingin Pasian in abawl hi a, a hi zawng in ut bang a zang a nop sak na ding in a bawl hi lo hi.

Tua ahih manin Pasian in nupa omkhopna sex pen anopthei pen a, omkhop dingpen hong deihsak hi. Lai Siangtho sungah pasal in azi aluppih ding aki lawm zahin luppih dinga azi inzong apasal aki lawmzah in, aluppih ding ahi hi, zi in ama pumpi a-ut bangin zangthei nawnlo in apasal zatding hi a, tua bangmah in apasal inzong ama pumpi adeih bangin zangthei nawnlo dinga azi zatding ahi hi ci in 1Kor 7:1-5

Nu leh pa, omkhopna nopsakna hangbekin nau neihna hilo a, nopsakna hanga nau neihna hi leh nopsa lua lo napi in, numei tampite in, nau nei loding uh hi, (numei buan athuakte in, nopsa lopi mah in nau nei thei uh hi.) Tua ahih manin Pasian in nupa omkhopna pen, ta neih nadingbek a, abawl hilo hi cihpen kitel hi. Nu pa ki it na a khan sem sem na ding leh nupa nun nop sak sem sem na ding leh kip sem sem na ding a hihi.

Pasian in gamsa te leh mihingte tungah nupa kipawlna apiakdan kibanglo hi. Gamsa tepen ta aneihding uh ciangin anu-te hukbek a, nu leh pa sex zangkhawm theipan uh a, anu-te sangin apa te’n nopsa zaw uh hi. Nupa omkhop ciangin pasal tebek in nopsa a, zite in nop asakzawh kei leh ganhing te omkhopna tawh kibang hi.

Gamsa tepen ta aneih ding uh teh sex zangkhawm uh a,tua bangmah in tadeihna bek tawh nupa omkhopna azangte pen gamsa te zatdan ahi a mihing te a ding hi lo hi.

Gamsa tepen mihing te bang lo in hoih asak peuhpeuh leh angaih peuhpeuh tawh sex zangkhawm ziauziau lel uh a, tua bangmah in, kiteenna, kipi na, omlopi a, (sex) nu leh pa, mawhna bawlna pen gamsa tawh kibatna khat ahi hi.

Pasian in, nupa omkhop ciangin numei hi-in pasal ahi zongin nop asak mahmah nading uh, adeih manin numeite taksa sunga a-om tha-gui khempeuh kituahna mun ah nop asak nadingin avangkhat nakoih hi. Tua mah bangin pasalte zong atha-gui khenpeuh apasal hihna omna mun ah kituahsak hi. Tua pen nupa omkhop hun cianga anop mahmah nadinga abawlsak ahi hi.

Nupa omkhopna pen ta neih nadingbek hi leh Pasian in nuneite aa, pen vangnih pia loding hi, avangkhat zawpen nausuak nading hi lo ahih manin azunpai na, tunglam ah nakoihsak hi, tua pen apasal tawh noptak a, azatdinga Pasian piak letsong ahi hi.