Perth – Kuala Lumpur kikal aleng AirAsia vanleng khat asetsia in ki lehkik

Perth – Kuala Lumpur kikal aleng AirAsia vanleng khat asetsia in ki lehkik

Australia gampan in Malaysia gam zuanin aleng AirAsia X Flight vanleng khat aset siatna nei ahih manin, alenkhiatna zuankikin kilehkik cih theStar pan kiza hi.

Tua AirAsia X Flight ii a nambat pen D7237 hi a, Australia, Perth City panin Malaysia, Kuala Lumpur City zuanin aleng hi a, Technical Issue hangin aki lehsakkik ahihi.

AsiaAsia X panin Statement akhahkhiatna ah tua vanlengpen Sunday ni in Perth City panin alengkhia hi a, alengkhiatzawh nai 3 khitciangin setsiatna om ahih manin, kilehkik cihi. Hih vanleng sungah Passenger akigawm in mi 359 atuangkhawm uh hi a, bangmah tuahsiatna omsamlo in Perth ah tukikthei uhhi.

Airline Engineers te’nzong vanleng hoihtak sitcianna neikikding uh cih kiza hi.

Hih vanleng tungah atuang Passengers khempeuh pen adang vanleng khattawh tuahsakding cihzong geelna nei uh a, tua vanleng asiapen ngiatzong zankimlam in Perth panin lenkhiatkik saksawm veve uh cih Sunday Statement ah genkhia uhhi.

Hih vanleng tungah atuang Passenger khempeuh in bitna, lungmuanna aomnading pen ko ii mawhpuak lianpenpen hi ci’n AirAsia X te’n genkhia uhhi.

Video: AirAsia X’s ‘shaky’ Perth-KL flight turns back

Hih vanleng tungah atuangkha Sophie Nicolas kici Passenger khatin Australian Publication PerthNow te kingah agenna ah vanleng ii aveilam “Left wing” panin apuakkham khat kaza uh cihi.

More: AirAsia Company aneipa ngiatin vanleng sungah nasem te huhin ninkhawm buambuam

Tuapen Crew tezong patau mahmah uh a, bangzah in huaisiading cihpen ki tuatthei hi ci’n genbeh hi. Tuakhit ciangin vanlenghawlpa Captain in hih vanleng pen alenkhiatna Perth khuapi zuanin ki lehkikding hi ci’n tangkokhia cihi. Sawltak #zomidaily