Aung San Suu Kyi Security apiading thautawi Bodyguards kibehlap

Aung San Suu Kyi Security apiading thautawi Bodyguards kibehlap

Myanmar State Counsellor and Foreign Affairs Minister Aung San Suu Kyi ahung akemding, Security apiading in thautawi Bodyguards kibehlap cih Mizzima pan kizasawn hi. Aung San Suu Kyi leh Kawlgamsung aom State Leaders, VIPs te ii Security mawhpuak anei pen “Myanmar Police Force’s Anti-Terror Department” te ahihi.

Naypyitaw Police Chief Pol. Col. Zaw Khin Aung in agenkhiatna ah tua Department panin kumpi ulian te ii Security kikhankhin cih February 08 ni in Mizzima tetung ah genkhia hi.

Abeisa hunte ah kumpi ulian VIPs te acing akemding Personal Security te thau kitawisak hi. Ahi zongin tulam ciangin palik mawtaw “Police Vehicles” te akizat banah kumpi ulian apua mawtaw te ahzong Bodyguards kikhanta ci’n Police Chief in genbeh hi.

Abeisa 2016 August khasung in Aung San Suu Kyi pen ISIS te’n suamlupding sazian ah koihmawk uh ahih manin, tuahun akipan ama ii Security nasempen akikhankhin ahihi. Tuaban ah nungdiak in Yangon Internation Airport ah Advocate Ko Ni hongki kaplupziau leuleu khitciangin Aung San Suu Kyi ii Security zong ki patau in kikhanbeh leuleu hi.

Pol. Col. Zaw Khin Aung agenna ah Naypyidaw pen President Administration nuai aom Union Territory ahih manin, Security pen ki thuneu ngaihsut hetlo dinga, limtak kikemding hi ci’n genkhia hi.

Asawtlo in kum 70 cinna Myanmar Union Day hongtungding hita hi. 70th Union Day Celebration Ceremony pen Shan State sung aom Panglong ah kibawlding a, tualaimun ah Aung San Suu Kyi zong kihelding cih kiza hi. ZD Sawltak #zomidaily