A thupi mahmah annam pawlkhat

A thupi mahmah annam pawlkhat

Vitamin A – Vitamin A pen mittang a’ding, pumpi khan nading, thaukzawh hat nading leh puntheih nadingin thupi mahmah hi. Vitamin A a kisam mite in nitaklam/zanlam in a mit muhna kiam aa a kilawh thei natna te zongh ngahbaih pahdiak uh hi.

Viatmin A tampi a ki ngahtheihna annamte

Gtn: Tui kaithum, kanpuak, ankam sialnek, a naipak mel nei annamte Gtn: mai, ankampinek, nahtang leh mehthuk te zong pan vitamin A kingah thei hi. Sa sin leh a kal, ak tui leh nawi, ngasa keu cihte pan ki ngahthei hi.

Vitamin A a kicingin a ne lo te a mitmuhna kisia thei hi.

Vitamin B1

Thagui leh ngaihsutna a hat nadingin thupi mahmah hi. B1 a kicing i nek zawhloh manin pumpi sungah tuiom thei, kamsung kisia thei, thazawt natna, ngaihsutna te a khawlna leh sihna dong piangsak thei hi. B1 kisam lua leh cikangthei, lungam thei aa luaksuak thei hi.

Tua B1 dat i ngah nadingin voksa, be, ngasa, mipe, nipi paak, a kingawinailo buh leh ankam tungpan in ki ngah thei hi. Siangtak in a kingawilo buh hileh B1 dat tam mahmah hi. Tua hiaa buh i sil ciangin tuitawh nuaingawp in, sil ding hoihlo hi. B1 dat teng kisuplawh thei hi. Vitamin B1 a kisapluat ciangin lungtang leh thagui nasepna te thazawngkhal sak hi

Sikdat (Iron)

Pumpi sungaa cell tuamtuam te sungah huih (oxygen) puak aa khuaksung nasepna leh thagui thazang te sungah nasem a hihmain thupi mahmah hi. Sikdat a kisap manin sisan hatlohna, tawlbaihluatna, natna ngahbaihna, nasepzawhlohna leh a gihna akicinglo ta neihna cihte piangsak thei hi.

Sikdat ngah na ding ante

Gtn: bawngsa, aksa, ngasa, aktui, sasin, be tuamtuam leh a engmel a nei mehteh mehgah tuamtuam te etc,. Sikdat in pumpi cidamsak aa naupangte in thukhat peuhpeuh a sin ciangin theibaih sak hi. Sisan thahatsak hi.

Ngasa kawlgam a’dingin sikdat ngahna bulpi a hihi. Sikdat kisapna hangin a piang sisan thahatlohna pen kawlgam sungah tam mahmah hi. Nugakte, naupaii te leh naupangte tungah tua sikhang natna tamphadiak hi. Siamsin Library