Tukumsung Singapore meikang ahuaisia pen CK Building

Tukumsung Singapore meikang ahuaisia pen CK Building

Singapore CK Building meikang pen Singapore Civil Defence Force (SCDF) te’n nai 5 sungbang abuaipihkhit uhciang in phelkhinzo uhhi.

Director of SCDF’s Operations Department pan Assistant Commissioner Ling Young Ern ii genkhiatna ah hih meikang pen tukumsung Singapore gamsung ah Industrial Estate meikang lakah ahuaisia pen hiding ci’n genkhia hi. Tuamah bangin SCDF panin meiphelhding zong mi atampen akizang hipah hi.

Mr Ling genkhiatna ah meiphelhding in Firefighter mi 110 kizang a, tukumsung Officer tam akizangpen hipahding hi. Tuaban ah Emergency mawtaw zong 27 kizang hi. Vandawn kahtohnading inzong Crane 4 kizangin, hihzahzah Crane akizatcilna hipah ci’n genkhia hi.

CK Building ii dawl 4 na panin dawl 6 na dong vansenna Warehouse in kizang a, tualak ah Aerosol Cans honkhat kikoih ahih manin, apuakkham aging akiza te pen tuapan in apuakkham ahih ci’n Mr Ling in genbeh hi.

Meikang pen nasialua ahih manin akiim apam aomte zong alawh khakding kipatau in, ki hemkhiasak cihzong kiza hi.

Video clip pawlkhat

Asi aliam omlo cih Channel NewsAsia in pulakkhia a, ahi zongin aki khuanungtheih ciangin meiphelhna panin Fire Fighter khat liam ahih manin zato kipuak cih ki khuanungzak kik hi. Khualumlua, aci saluagawp ahih manin lungvai in om a, zato akipuak hihtuak hi.

Hih CK Building meikat akipatkhiatna ahang taktak pen SCDF te in akanciansan laitak uh ahihi. ZD Sawltak #zomidaily

Zomi Daily ah nonghawh zelzel manin lungdam mahmah hi!