Mali gamah Suicide Bomb puak
Jan. 17, 2017: UN in Mali gam-a buaina venna dingin kilemna thukimna (peace deal) a bawl hangin kumpi’ galkapte leh kumpi lehdote (rebels) ten gal vilna dingin a zat uh Goa khua-a Joint Operational Mechanism kicite galphual kiangah sihpih bomb tu ni-in puak a, mi 47 a sih banah mi tampi in liamna tuak hi ci-in state TV broadcaster ORTM in suaksak hi.
Hih bomb puahna kiim pen Tuareg rebels kicite makaih CMA movement ten kumpi tawh kipawl galdo dinga kipiakia “pro-government militia members” kicite tawh 2015 thukimna om bangin hih kim pen gal vilna dingin a zat sawm denna mun uh ahi hi.
Sihpih bomb tawh a kisuamna hangin sihna tuakte thuakpihna dingin President Ibrahim Boubacar Keita in ni thum sung gam bup ah dahpihna neih ding hi hi ci-in pulak hi.
Mit tawh hih thupiang mu ten sihpih bomb puaksak pen in car sungah bomb pua a, security-te panmun camp paisuak in kimuhkhawmna dinga kihel mipite lakah nai 9:00am pawlin a bomb puaksak hi ci uh hi. Goa khua pen Tuareg rebel ten 2011 na la ngei uh a, France in 2012 in galkap a sawl in a kila kik ahi hi. UN in Mali gamah UN peacekeeping mission galkap 13,000 kiim koih lai hi. Source: Al Jazeera and news agencies/ Thang Khan Lian
Comment piaknop aomleh...