A kimu nailo Lia Cing Sian Zuun (Missing Person alert)

A kimu nailo Lia Cing Sian Zuun (Missing Person alert)

Kalay University ah Maths major tawh kum (1) na akah ahi Cingpikot khua mi Pa Kham Khan Khual le Nu Hau Khan Huai te tanu Lia Cing Sian Zuun pen February 18, 2020 ni 2:30 PM hun panin kimu nawnlo hi.

Lia Cing Sian Zuun le a unu Lia Dim Za Lun Niang (Botany M1) te pen Hto Thet Aung Hostel ah om khawm uh hi-a tuani nitaklam nai 2:30 hunpawl in Lia Cing Sian Zuun in ama laisin hun man khit ciang a unu kiangah “U aw…ka tuition pai hun ta. Nong kha pak dia” ci-in hopih hi. A unu in “Ka siamahte hong lut lai-in lai sinna na zom lai pak ning ei Nau..tuzawh nai lang (3:00 PM) pawl teh hong hopih kik in mw!” ci-in kigen uh hi.

A unu in lai sinna azawh khit nai 3 ciang anau in hopih nawn lo ahih manin “Ka nau alawmte zui a, tuition pai khin hi in teh” ci-in a omna sawng zuan in aciah suak hi. Asawng a tun ciangin anau Lia Cing Sian Zuun´ thungkuah mu-in “Ka Nau tuition pai lo ahi tam mw!” ci-in lunghimawh hi.Tua nitak in Lia Cing Sian Zuun pen asawng tungkik nawnlo hi.

February 19, 2020 ni-in a unu in Lia Cing Sian Zuun phone call-a thum vei bang lut in kilen vet lo hi. A tawpna ah line atu mah tam, ci-in line ahon leh anau Lia Cing Sian Zuun line tu takpi a, video call tawh a hanciamciam hang in kilen vet lo hi.

Tua khit zawh Lia Cing Sian Zuun phone kihopih thei lo(a phone kikhak) in koi lam tunga, kua khut tungah om hiam, cih kithei nawn lo hi.

Tua ahih manin a mukha, a theikha ii om leh nong zaksak nading uh le na hih theih zahzah un nong zonpih nading uh huhna kong ngen uh hi. Contact Phone – ZSK KU – 09259044522, 09402247344, 09259449099, 09694519031, Pii Lun (a U) – 09764800751 Zomi Siamsin Kipawlna