ZAM Thupuak :: 03 Nov 19 (CCM, SIBKL tetawh kimuhna)

CCM, SIBKL TE TAWH KIMUH KHOPNA

30 October 2019 (Wednesday) ni-in SIBKL te tawh kimuh khit ciangin CCM (Council of Churches of Malaysia) te tawh kimuh khopna kinei thei to suak hi. Hih CCM leh SIBKL te pen Malaysia gam Christian kipawlna sungah a gol pen lam hi a, gambel sangnaupang te hong vei mahmah uh ahih manin Zomi Education Center (ZEC) te zong hong sapna uh tawh kizui in kiho limna hun nuam ki ngah thei hi. ZAM pan in zong thusun na kinei aa, Zomi galbel naupang te pilna sin na ah tuak khak hamsatna te leh tulaitak Zomi gambel tampi tak I tuak khak hamsatna te kipulak thei hi.

Hibang in thusun na tung tawn in a mau zong hong lunglut mahmah uh a, mailam ah bang ci khut kilen in nasem khawm thei ding cih zong dotna tampi hong nei pah uh a, mailam ah amau panpih theih na bangbang tawh hong panpih nuam ung hong ci uh hi. A sawt loin amau mahmah Zomi te kiang ah hong hawh in hong van kawikawi ding in lunggulhna nei uh hi.

2019 ZSM LAIBU KINGAH TA HI

Malaysia zomi Genvai Kipawlna (ZSM) 2020 ading ki lut thei ta a, ZSM laibu te zong kila thei ta hi. ZSM lut man mi khat ciang kum khat ai RM 20 hi a, hih na lutna hang tawh ahamsa a dong tuak I mipihte a panpih, a dah akap hun ah a khitui anulsak na hi gige hi. Hih ZSM ah member na lutna in nang a ding a pia na hikei a, panpihna akisamte apanpihna hizaw hi. 2019 sungin zong tu ciangciang Zomi pih te luang (23) bang lei ah I tuh theihna in nang leh kei I pankhopna ahih bang mahin mailam ah zong mapang khawm lai dingin zong kong zawn phapha uhhi.

ZSM KUM (10) CIN FUTSAL KIDEMNA OM DING

Zomi Social Welfare of Malaysia (ZSM) pen 2009 kum in Malaysia leitang tungah Zomite I sih ciang luang ki phamna dingin Pawlpi siate, Khua makai te tawh a ki pan khia hi a, tuni ciangin kum (10) hong cingto ta ahi hi.

Hih kum (10) sungin I sanggamte luang 282 bang ki pham khin a, ZSM om ma in I kaihkhop theih teng tawh gawm leng Malaysia leitang tungah tuni ciangciang Zomite 326 bangin mual hong liamsan ta uh hi.

Hih kum (10) sungin hong nusia I sanggam te I phawk na in ZSM kum (10) cin Futsal kidemna November 10, 2019 ni-in kinei ding hi. Hih hun sungah hong nusia sa I sanggam te phawkna hun khat zong kibawl ding hi.

A lutnuam te in a nunung pen November 04, 2019 (Monday) sun nai 3:00 in ZAM zum ah group khenna ki nei ding hi.

Tuni ciangciang ZSM kum (10) Futsal kidemna ah lut ding sazian hong pia sa te in anuai a teng ahi hi.

ZSM KUM (10) CIN FUTSAL KIDEMNA MIN HONG AP SA TENG

• 1. IZCC FC
• 2. 90’s KID FC
• 3. ANLANGH FC
• 4. LAILO FC
• 5. CIKHA FC
• 6. PIMPIH FC
• 7. MBF FC
• 8. LASANLUI FC
• 9. ZONO FC
• 10. NEKNEK FC
• 11. TEUTE FC
• 12. PHAITU FC
• 13. ZCCM FC
• 14. ZOMI INNKUAN-RAWANG FC
• 15. ZOMI U-20 FC
• 16. ZO LION KING FC
• 17. NGALZANG FC
• 18. MZCC FC
• 19. KAME SUSHI FC
• 20. ZOMI MAH FC
• 21. MUALZANG FC
• 22. SUBANG FC
• 23. KAPTEEL FC
• 24. ZCF-HATAMAS FC
• 25. POWER PLANT FC

PILVANG TAK IN OM SAWM NI

Tuhun laitakin kimat kihen hong tam mahmah a, Malays -ia kumpite in a gamsungah phalnalo tawh om mi tampi tak siangsak nuam ahih manin kimat kihenna hong tam to semsem ding hi ci gen khia khin uh hi. Mun tampi ah Oparasi lut kawikawi ahih manin I omna ciat ah kidawm tak, pilvang tak in om ding hanciam ni. A thukin lua mah mah ahih kei leh vakvak kei zaw ni. I omna veng kim veng pam ah zong gamtat zia om zia te hoih tak kidawm ciat ni. Mite mitdong ding leh midangte a nawnkai sak lo dingin kidawm ciat ni. Kimat kihen bek hiloin migilo zong tam ahih manin I kim I pam om zia hoih tak tel pha in gamta ciat ni.

Na sepna ah thunei te in sitna khat hong neih leh kei pen UNHCR ah gambel in hong san ding ngak in a om hi ing/UNHCR card tawi gambelmi ka hi hi. Ka nuntak nading hih teng ah part time tawh na a sem pak hi ing ci-in I gen theih ding thupi ding hi. Malaysia om Zomipih a kuamaciat I omna gam huihnun zia tawh kizui in kidawm ciatni cih hong zasak phapha ung. A zenzen in kimat kihenna khat natuak leh ZAM zum ah hong zasak pah in. Nang ading in a ready sa in om den uh hi.

LUCKY DRAW A NGAH TE IN HONG LA UN

Khuado pawi fund zon na I bawl ahi Lucky draw pan mee a ngah khia no. te anuai a bang hi. Hih a ngahte in na mee laidal uh tawh ZAM zum ah aman langin nong lak na ding uh hong zasak ung.

• 1. 0313 – Iphone 6S Plus 2.1658 – Computer
• 3. 1304 – Guitar 4. 0321 – Air Sopha Chair
• 5. 1595 – Rice Cooker 6. 0561 – MP 3 Player
• 7. 1547 – Electric Kettle 8. 1565 – Hair Dayer
• 9. 1061 – OTG Pendrive 10.0410 -Power Bank

ZAM ZUM AH KILEI THEI

ZAM zumpi ah I ngeina van tuamtuam ahi Zopuan Design tuamtuam, Zoniik Design tuamtuam, Puanten, Puandum, Zodial(Silk), Puanlaisan, Zokhi, Tanghciin, Khephiau, Zolukhu, Zothungkuah, Zodial cihte akipan naupang puan tuamtuamte deih zahzah kilei thei hi. Tua bek loin khui tuamtuam leh a nuai a laibu tuamtuam zong kilei thei hi.

• 1. English -Zomi Dictionary RM-50
• 2. Zolai simbu (Tanlang -Tan 4) RM-30
• 3. Galhiam labu RM-30
• 4. Leitung Mi thupi te tangthu RM-20
• 5. Christian Labu RM-30
• 6. Gual tawh Tan bang kim RM-25
• 7. Nisim tongdam RM-30

WELCOME TO ZAM

Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phakhamtang in thapiakna leh idea tuamtuam piakna nong neih nadingun kong zawn phapha uhhi.

ZATO ZUAT HAMTANG DING A KISAM NAUPAAI NUPI TE

Khanglui lai in i pu i pate in “Nau paai leh Thaltang paai” a nacih mah bangun naupaai hun sung leh nausuah ciang limtakin kidop/kikep siam ding kisam hi. A tam zaw in nausuah ciangin Zato kizuan sese lo aa inn ah a teek nu/ khuasung ah a thei zaw deuh khat peuh cialin kisuak sak ziauziau hi. Tua bang tatna hangin khat veivei khialh lohpi ding kikhial thei-in nuntakna na ngawn bei lawh thei hi.

Naungek a om daan manin a cidam nupi ahih leh a thei/ asiamte tawh a ma ut zawkna tawh kizui in inn ah suak leh kingah mah hi. Ahih hangin Nau/a Nu in damlohna khat peuh a neih leh kisam thei sisan a kipan van leh na, siavuan, siamahte a kicinna zato zuat ding thupi pen hi.

• 1. Naupaai hun sung sikhangin cibawk/ciphawmte (Pre-eclamptic toxaemia)
• 2. Naupaai sung siluang te
• 3. Naupeng a paaite
• 4. Ta tampi nei khin naupaai te (Ta 5 pan a tungsiah a nei khin naupaai te)
• 5. Thaza ne mah ta leh sisan hat zolo naupaai te(Anae -mia not responding to reatment)
• 6. Kum tam khit in tacil naupaai te (Kum 35 pan a tung siah te)
• 7. Kum tawm lua a tacil naupaai te (Kum 18 nuai)
• 8. Ta masa te a suah lai in suah hak a sa naupaai te
• 9. Lungtang natna a nei naupaai te
• 10. Tuberulosis (TB) natna a nei naupaai te
• 11. Sikhum zun khum natna a nei naupaai te
• 12. HIV (AIDS) natna a nei naupaai te
• 13. Tun tom lua naupaai te (4’10” nuai te)
• 14. A thau lua naupaai te (100kg pan a tungsiah te)
• 15. A gawmlua naupaai te (45Kg pan a nuai siah te
• 16. Naubu damlohna a nei naupaai te
• 17. Kawngguh a ngeina dan ahi lo naupaai te
• 18. Nidangin nau a suah in a ki-at ngei khin naupaai te
• 19. Naungek hong pusuak ma-in nau laigui hong tolh khia naupaai te
• 20. Nau suak nuam agilnat hun sawtin asuak zo pahlo te
• 21. Damlohna khat peuhpeuh hangin Numei van a ki-at/ a kikhui ngei naupaai te
• 22. Naungek om daan manlo naupaai te

Ref: Vung Hau Lun (Third year Maternal Health Nursing Textbook leh Fourth Year Gynaecological Nursing Text Book pan a tei Zomi Daily ah suaksak sung pan ki tom lak kik hi.

A THEIH HUAI ADDRESS PAWL KHAT

• ACTS CLINIC
• 44A, Jalan Padang Belia, 50470 Brickfields, Kuala Lumpur. Phone : 03 2272 2585
• Monday-Friday 9:00 AM– 5:00 PM
• Sunday –9:00 AM—1:00 PM (Sunday ni naupai te kilak thei lo hi.)
• Saturday leh Public holiday nisim kikhak den hi.
• Grab/Uber—ACTS CLINIC
• HEALTH EQUITY INITIATIVES (HEI)
• 26-1A 1st Floor Jalan Vivekananda 50470, Brickfields, Kuala Lumpur. Phone : 03 2272 4957
• BUDDHIST TZU-CHI KL FREE CLINIC
• 221, 4th Floor Wisma LTS, Jalan Pudu, 55100, Kuala
• Lumpur. Phone : 03 2142 1567
• Mon & Tuesday—9:00 AM—12:00 Noon
• Thursday & Friday—1:00 PM—4:00 PM
• HAA BAWL NUAMTE
• Wednesday—2:00 PM—5:00 PM
• Sunday—9:00 AM—12:00 Noon
• Saturday nisim kikhak hi. Grab/Uber—Wisma LTS
• UN SISITNA MUN
• IOM MHD MALAYSIA
• No. 1 Jalan Pahang, 2nd Floor, Level 3
• KPJ Health Care Tawakkal Hospital, Kuala Lumpur
• 53000. Phone : 03 9235 5400
• US CO (Culture Orientation) KAH NA MUN
• F&B Business Park, 18 Jlan Metro Pudu 2, Fraser Business Park, 55100 (Near Chan Sow Lin LRT Station)
• AUSTRALIA TENTAN KAHNA MUN
• A 14-6 Menara Atlas Plaza Pantai, Jalan Pantai, 59200
• Kuala Lumpur. Phone : 03 9235 5431 (Kerinchi LRT Station ngei)

TUKAL ZATO LAM BUAIPIH

• 1. Nang Khan Khup (Saizang) Ampang Hospital ah
• 2. Dal Za Muan (Lingthuk) GHKL zato
• 3. Thang Pau (Vangteh) Ampang Hospital ah
• 4. Dim San Cing (Ngente) GHKL Hospital ah
• 5. Thang Sian Tuang (Thangzang) ACTS ah kibuaipih

ZATO LAM TAWH KISAI

Zato lam tawh kisai-in vai khat peuh na neih leh ZAM zum ah hong ko in. Contact :Sia Mungpi 018 3122 957

TUKAL SUNG THONG LAM BUAIPIH TENG

1. Mung Kim Khai (Tungzang) Sri Kuching pan CID te in man-in kitan khia kik thei

2. Za Khan Mang (Mawngken) Sungai Buloh thong ah kimuh pih thei

3. Thang Luai (Lailo) MyRC card tawi in 17-10-2019 ni Monkiara pan Oparasi tawh kiman in MyRC zum pan thunei te tawh a kisam teng kivan in 25-10-2019 ni-in sum beilo in hong pusuak khia thei hi.

4. Thang Khan Suan (Singzung) MyRC card tawi in 17-10-2019 ni Monkiara pan Oparasi tawh kiman in MyRC zum pan thunei te tawh a kisam teng kivan in 25-10-2019 ni-in sum beilo in hong pusuak khia thei hi.

5. Pau Sian Tung (Singgialzang) MyRC card tawi in 17-10-2019 ni Monkiara pan Oparasi tawh kiman in MyRC zum pan thunei te tawh a kisam teng kivan in 25-10-2019 ni-in sum beilo in hong pusuak khia thei hi.

6. Khan Kim Thang (Laaitui) Cheras IPD ah kibuaipih

7. Khai Sian Tung (Laaitui) Cheras IPD ah kibuaipih

8. Kham Sian Khai (Tungzang) Hulu Selangor ah kibuaipih laitak

9. Mang Zo Mung (Tungzang) Hulu Selangor ah kibuaipih laitak

KIMAT KIHEN NA TUAK LEH

Zomite sungah kimat kihen natuak zenzen leh hih phone no. te ah na hopih pah in. Nang adingin atawn tungin kigingsain om den uh hi.

• Sia Tuang Pu : 016 254 4093
• Sia Zo Mung : 017 663 6087
• Sia Maa Mang : 018 231 1365
• ZAM Hotline : 016 293 9027

ZOMI TE ADING NASEP

Malaysia gam sung om Zomite nasepneilo in nasem nuam mahmah napi nasep zon nang a lemlote in ZAM zum ah hong dawp un. Zomite ading man ngenloin nasep kizon sak den hi. Contact – Sia Mamang – 018 231 1365

ZAM ZUM HON HUN – ZAM zum pen nisim in 9:00AM-6:00PM sung kihong den hi.