25.11.2014 Tuni leitung thuthang te

25.11.2014 Tuni leitung thuthang te

BEM TAWH OM A NASEM OMTE – Malaysia gam Cameron hightland ah bem tawh oma gamdang mi nasem a omte siang suahna ah galkap te in zong palik te tawh kipawl in nasem khawm uhhi.Saturday ni in gamdang mi bem tawh om a nasem a omte siang suah na ah lampi te khaktan uh a mi 40 kim kiman hi ci in Inspector-General of Plice Tan sri Khalib Abu Bakar in gen hi.Immigration department lam pan in Director general Datuk Mustata Ibtaham ii gen na ah Cameron hight land ah bem tawh om a nasem te akisiang suah dong na kisem ding hi ci in gen hi.Tua ban ah department 3+1 programme tawh kisai in agen na ah bem tawh om te in tun hong ki ap uh hi leh thubawl na leh thong kiat sakna te omlo in a gam uh ah kipuak kik ding ci hi.Hih programme pen Dec.31 ciang dong hi ding a,hih hun hoih kihon lai in hong ki ap un ci in gen hi.Nov.9 akipan mi 181 bem tawh om a nasem te agam uh ah puak lo in kem lai uh a,mi 30,000 kim pen Cameron higt land ah bem tawh om hi.

RUSSIA TE SUPLAWH

Russia gam tung ah U.S leh nitumna gam te in khaktan na dan piakna hang in Russia gam in kum khat in U.S$ billion 40 sup laitak in Russia gam in adiakdiak in agam uh pan in tampi athoh khia uh ahi meitui man pan hong kia ahih man in kum khat in US$ 100 billion kim ki suum ding ci in gen hi.Hih bang a Russia gam tung ah U.s leh EU te in khaktan na dan piak na hang pen Ukrian nisuah na gam lam a buai na ah Russia te akihel hang hi.

KAWLGAM MI NUMEI TE KI ZUAK

Sen palik te in Sen gam khuata te ah mi zi ding in numei te zuak hi ci in amawh siat uh migilo te man uhhi.Hih bang a zuakna athuak mi 14 lak ah nau pang mi 5 te pen Kawl gam pan ci in, tun ahih leh agam uh ah ki puak kik zo ta cihi.Hih numei te pen Sen gam ah na sem dingin zol uh a, tua khit ciang in Sen sum 50,000 tawh zuak uhhi.Sen gam ah ta khat bek neithei cih thu khun na hang in numei sang pasal tam zaw hi.Sen gam khuata te ah zi ding a numei guk zuak sim pen sumbawl na lianpi khat hi.

THUKIMNA NGAH THEI NAILO

Iran nuclear bawlsawm vai tawh kisai in leitung gam thahat guk(world power) te Iran te tawh Genave khuapi ah thukikup na pen lungkimna ngah zolo uh ahih man in,thuki kup kik ding pen maikum June khat bei ciang khangto on ciamteh uhhi.Iran te gen na ah nuclear bomb bawl na dingin zong dinghilo in meitha lam a zat ding cihi.Iran gam te in khaktan na te alakkhiat dingdeih uh a, Gam thahat gam guk te inahihleh acian tan nei a nuclaer bawlsawn vai pen lenkip dingin deih hi.

BOMB PUAK KHAM

Afghanistan gam khuapi Kabul ah bomb puakH kham na hang in U.S gal kap mi nih si hi.Hih bomb pen siikhup thanei bomb hi in remote zang in puak kham sak uhhi.tua ban ah mipi 3 zong sihi.

MOROCCO AH TUIKHANG

Morocca gam ah Fridayni nitak pan Mondayni zingsang kikal nasia tak a guakzuak na leh tui khang na hang in mi 17 kim si in 24 kim mang hi.Europe khualzin mite painop na mun Maracech khuapi ah tui khang na hang in lampi te kikhak tan in khualzin mi te tuipi nawl a lei ah tawnvei sung paisuak thei lo inkhak tan hi.Tui khang na hang in inn leh lei te kisia hi.
Ref:bbc,hro,star paper. Cin Ngaih