ZOFA Cup 2014 nuamtak kizo

ZOFA Cup 2014 nuamtak kizo

A 9 veina ZOFA-Cup 2014 hong makaih hong tonpih nuamtak gualzawh lawhcinna hong pia i biakPasian tungah lungdam thu i ko masa hi. Tukum ZOFA-Cup 2014 bawl nadingin a kitangsam sum sang15val hong si USA gam Kentucky State sunga om mipih Zomi khempeuh tungah zong lungdamna lianpii ko hi. Tukum ZOFA-Cup a hong kihel Team (16) sungpan kimawlsiam khangno (288) te leh a makaihkhempeuh banah tha pia a, a panpih pawlpi, sia upa makai vaihawm khempeuh tungah lungdamna lianhi. Note hanciamna, thungetsakna leh panpihna hangin hibang gualzawhna a mu ihi hi.

Tutung ZOFA-Cup kimawlna ah kimawl tangvalte zong hong pilvang in tha pia mipite zongkumdang sangin thapiakdan siamzaw,picing zaw ihih manin i lungdam a, note tha piak siamna leh picinnatehangin ZOFA Committee zong a picingsuak in i lungdam hi. Tutung pen namdangte 3 kilasak in, Zomisungah kum 23 nuaisiah deihzahzah i laksak manin, i kimawl dan kumdang bang loin Standard (tqifh)hong nei in muhnop mahmah in kimawlnate zong a zo a lel kilekkim thei mahmah hi.

Tutung ZOFA-Cup a huampi a entheite adingin khantohna, picinna tampi kimukhia thei-in ilungdam a, a mau pawlpi bek a en, amau gup Team-te zawh ding bek a deih a mau pawlpi, a gup Teamtekampau bek a ngai, a zate adingin mawhsakna pawlkhat a omtei hangin, a huampi a ente adinginlungkimhuai thei mahmah hi cih thu kiza hi.

Bangteng hi leh, mihing ihihmah bangin ZOFA Committee lam pan hita leh a kihel Team leh pawlpi,mipi lam pan hita leh thanemna tampi omte ZOFA-Cup 2014 tawh mangpha khakin beisak, mangngilhding hanga, tua thanemnate panin kipuahpha in a 10 veina ZOFA-Cup 2015 ah galkah ciat dingin i biakPasian min tawh i kizawn, i kithumnuam hi. ZOFA pen Kawlgam bup bawlung kipawlna MFF leh MNLte tawh a kizom kipawlna hi cih zong mangngilh kei ni. Topa Thupha. ZYA