ZAM Thupuak :: 07 September 2014

ZAM Thupuak
ZAM :: Zomi Association of Malaysia

UNHCR-RST (Fraud Case) leh kipawlna makaite kimuh khopna

September 5 ni-in UN Conference ah UNHCR-RST (Fraud Case) vai kipawlna makaite sun 11am pan 12pm ciang kimuh khopna om leuleu thei hi. RST panin Micheal Wells leh alawmte numei khat hong kihel uh hi.

Investigation Team ah mi 7 pha uh a, ni khat in mi 1 in case 6-8 ciang zothei ci uh hi. Fraud Case vekpi lakah 45% in amau leh amau khial ung ci-in hong kigen uh ci hi. Fraud Case vekpi lakah 45% pen nahilo kik ci uh hi. Fraud Case atuak vekpi lakah 8% pen gam thumna paithei nawnlo dingin laipia or a file uh gam thumna paina ding panin ka dokkhia uh ci uh hi.

Hih Fraud Case atuakte lakah a daantuak zah ding/asawttan ding pen case khat le khat kibanglo in kha 6 pan 18 sung kikal sawtthei ci uh hi. Min kitaihte sungah a kitaih pih dangte a pailoh uh ciangin adangte ading te vai tampi zekai tuam hi ci uh hi. April 1, 2014 nipan April 1, 2015 kikal sung apailo te a case uh ki dokkh iat sak ding ci lai uh hi. Kuateng hih Fraud Case sung kihel kha cih theihna dingin a list a kinget hangin “thusim” hi ci-in kipawlna te hong piakhia ngamlo uh hi. Hih Fraud Case ah kihel ding a ki ummawh khempeuh in a manlang thei penpenin hong kipulak un ci uh hi. Laikhakna ding mlslufrd@unhcr.org

Theihding: Hihvai tawh kisai atuak kha te’n zum na paima in nang sang thu leh la athei zaw te zum na lutma in dotsawm hamtang in. Alemloh teh nadot kik kawikawi hang akhiatna om nawnlo ding hi.

UNHCR-CDU te ZAM zumpi ah honghawh

UNHCR-CDU panin kum simin aneih ngeiden ahi kipawlna zumte hawhna September 05, ni zingsang nai 9am pan 10:15am ciang ZAM zumpi ah Bristocia leh Patrick honghawh thei uh hi.

Nisim ZAM sepna ah member bangzah nei? Bang zah UN ngahkhin bangzah in ngah nailo? Cidamna vai, mat le hen vai, ZSM vai, numei kipawlna vai, sang vai, nasep zonsak vai, ICMC tawh shelter vai, Zomi nam ni vai, Khuado vai, Tune Insurance vai, Zomi Cup leh Zomi League vai leh mipi tawh kizopna Thupuak vai leh Zomi pawlpi list 34 teng hoih takin update kipia kik thei hi.

ZAM nasepna te tangzai peuhmah leh kicing mahmah ahih manin hong pakta mahmah ing. Nasep hoih sem nahih manun ciimtaklo in han-ciamin hong semzom suak un ci-in tha hongpia hi.

UNHCR Education Team te nasepzia: Atheihhuai thu leh theihloh a phamawh thu

Min leh panmun

Niaz Ahmad – Programme Officer
Mimi Zarina Azmin – Education Associate
Fairuz Alia Jamaluddin – Sr. Education Assistant
Lim Jia Ying – Sr. Education Assistant
Chong Yin Wei – Sr. Education Field Assistant
Annora Ong – Education Database Assistant
Tina Chetouni – Intern
Jeong Euiryeong – Intern

Hih anuai a na en in

Malaysia gam sungah Refugee leh Asylum-seekers kigawm sangnaupang kum 18 nuaisiah pen kum 2014 June kha bei lamin 30,849 pha khin hi. Tua lakah Pasal pen 16,910 pha a, Numei pen 13,939 pha hi.

Kum 6 pan kum17 kikaal naupang sang kah thei 15,565 (Pasal-9,074, Numei-6,491) pha uh hi napi Primary level kah thei ding naupang 9,210 (kum 9 pan 13 kikal) lak panin 4,552 (49%) bek sang kah uh hi. Secondary level kah thei ding naupang 6,355 (kum 14 pan 17 kikal) lak panin 864 (14%) bek sangkah uh hi. Lungkham huai hilo hiam?

Education Strategy 2012-2016 (Education tawh kisai vaihawmna)

Hih Education Strategy pen 1951 kum a Refugee vai khawmpi neihna hun sungah Rights tawh a kituak thei pen dingin a kibawl khia a hihi. Ngimna bulpi in ahih leh mi khempeuh in, azawng a hau deidan lo in, siamna (Education) ngah kim thei ding cih thu ahihi. Hih ngimna pen UNHCR te vaihawm Millennium Development Goals lak aa khat ahihi.

Malaysia gam sunga Refugee leh Asylum-seekers sangnaupangte koi munah sangkah uh hiam?

Malaysia gam sungah Community Learning Centres (CLCs) 120 om hi.
Tua teng lakah Centres 9 pen anuai a kipawlna thupi 5 teng in huh in van tawntung uh hi.
Buddhist Tzu-Chi in sang thum huh in van hi.
Dignity for Children Foundation in sang 1 huh in van hi.
Malaysian Social Research Institute in zong huh hi.
International Soroptimist Club, Johor in zong sang 2 huh in van hi.
FGN Penang & Klang in zong sang 2 mah huh in van uh hi.
A cianlai centres 111 teng pen Minam kipawlna, NGOs, Biakna leh Pawlpite’n lenin kalsuan pih hi.

Education pan 2014 ading tupna

Kum 2014 sungin hih Education team te’n sepkhiat loh pelmawh nam 5 kiguan uh hi:
Sangnaupang minkhumna sungah naupang a tam thei pen in a min uh akhumna dingun tangko khia ding.
Database tawh kisai sakin khangto sak semsem ding.
Education centres om teng limtak encik in uk ding, Evaluation zong bawl tangtang ding.
Centres tenga laikisim khempeuh kibang kim sak ding.
Sangsia te tintan kahsak hamtang ding.

UNHCR in Refugee sangte bangci huh in panpih uh hiam?

Kumpi leh kipawlna tuamtuam tawh a kipawl theihna ding un palai sep sak.
Education Centres om teng kithuhual taka sep khop theihna ding vaihawmpih.
Sangnaupangte khantoh theihna ding activities tuamtuam vaihawm sak in huhna pia uh hi.
Limtak encik uh a, a kisam bangin huh in panpih uh hi.
Report kician takin bawl sak uh hi.

Sangnaupangte khantohna ding a kivaihawmte koici bangin UNHCR in huh in panpih hiam?

Community Learning Centres te kizoppih kipawlna lian 5 teng sumtha tawh huh uh hi.
Centres 60 tengah Volunteers 300 kiim vaihawm sak uh hi.
Sangsia 200 kiim khasum piaksak uh hi.
Sang i kisap laibu, Uniform, thungkuah, meiphelhna cih teng mawk piak uh hi.
Sanginnsap, laiphi cianga kisam teng khempeuh, vaksuk vaktohna sum bei teng siksak uh hi.
Sangsia teng Training kahsak in a sumbei teng sik uh hi.

UNHCR Education Team te’n bang hangin Refugee naupangte hizah ciangin hong buaipih uh hiam?

Refugee naupangte’n kumpi sangah leh laiphina cihte ah mun ngah ngiatlo uh hi.
Kumpi in Refugee sangte License pialo uh hi.
Refugee sangnaupangte kumpi in theihpihna Certification pialo uh hi.
Sangsia sem teng pen laitan Background kician nei tamlo uh hi.
Sangnaupangte aa dingin vaksuk vaktohna ah lamkal lungmuan huailo hi.
Sang sunga kisin teng a kibat theihna dingin hanciampih kul hi.
Sangnaupangte aa dingin kimawlna leh lungsim navaak thei sak namte tamlo hi.
Sanginn sapna, vanzat tuamtuam leh Sangsia te khasum ding piaksak den kul hi.

August 21 ni UNHCR-EDU tawh meetingna teng hi.

ZOMI LEAGUE August 31, 2014 Results pulakna

ZOMI LEAGUE 2014 maikal September 14 ni kilawmtatna kimawl ding pawlpite

Open EMIS Tintan

UNHCR-EDU tupna khat ahi Database sinna ah ZEC sang pawl khat panin tintan kikah thei hi.

English Retreat Workshop

UNHCR-EDU makaihna tawh gambel sangte laihilh zia ding leh Manglai zatzia ding August 22-24 ni sung zingsang nai 8am pan 5pm ciang ni 3 sung kinei thei-in letmat piakna zong neipah uh hi.

Tukal Palaai te buaipih diak teng

Pa Dal Muan (Kawlpi) September 1 ni-in Sungai buloh zatopi ah kibuai pih laitak.
Pa Lian Khual (Tualzang) te innkuan kumpi Lahwahkah zumpi (JPN) ah September 2 ni-in naungeklai kilaksak.
Pa Pau Suan Mung (Anlangh) September 3 ni-in Ampang zatopi ah kibuaipih.
Tg. Sian Mang (Vangteh) September 4 ni-in Klang zato lum kibuaipih.
Mangpi (Tanzang) Klang zatopi ah kibuaipih.
Langh Thang (Tuivial) Ampang zatopi ah ki buaipih.
Thang Sian Sang (Tuitawh) August 31 ni-in Dawangi palik zum ah ki buaipih.
Thang Suan Muang (Tuithang) leh Pau Kim Khai (Mualkawi) September 1 ni-in Dangwangi palik zumah ki buaipih.
Cing Za No (Cikha) September 2 ni-in Tanah Mera camp ah ki buaipih.
Tun Khan Kim (Singunau) September 3 ni-in Langkap Camp ah ki buaipih.
Pau Boih (Kaptel) September 5 ni-in ki buaipih.
Tha Sing (Laaitui) September 4 ni-in Dangwangi CID te phone tawh kiho sakin suakta thei.
Muan Tuang (Kaptel), Esther Donnu (Tuizang-ACR Card tawi) August 31 ni-in Dangwangi palik zum pan kitan khia.
Kap Mang (Sim Suangzang), Tuang Zam Khai (Khuadam) September 2 ni-in Dangwangi palik zum pan kitan khia.
Tua teng banah mi kiman 4 te phone tawh ho in suakta sak.
Cin Sawm Khai (Heilei) September 1 ni-in ACTS ah kibuai pih.
Thawn Sawm Khai (Pyidawtha) September 1 ni-in ACTS ah kibuai pih.
Pau Khan Khual (Anlangh) September 2 leh 3 ni-in HKL zato ah ki buaipih.
Thang Sian Lian (Kaptel) September 4 ni-in HKL zato ah ki buaipih.
Pau Huai Cing (Singunau) September 4 ni-in Malaca zato ah kiveh hi.
Tukal UNHCR-OPI zumpi ah body numbat a kipuak teng: Bukit Jalil Lockup panin a om mi 5, Semunyih camp a om mi 7, Pakanana Camp a om mi 8.
Terengganu thong panin September 3 ni-in thongkhia mimal 72 hong suakta thei uh hi. Zum pan kibuaipih pawl khat zong hong suakta thei ahih manin ki lungdam pih mahmah hi.

Na tangthu hoihtak ciamteh suak in

Na UN tangthu pen gam thumna na lentheih ciang bek kimang ding hilo a, gam thumna na tunkhit teh na zumvai khempeuh ah hong kidong toto lai ding hi. Green Card leh Citizen na siauhna ah tua na tangthu mah hong ki dong toto lai ding ahih manin hoihtak ciamteh in.

Atheikha na om uh leh hehpihna tawh hong zasak un

Thang Khua Suan (Tuilangh) khuami Tamu a teng pen Kawlgam panin hong tungthak hi-in Penang panin May 30, 2014 ni-in Palik te’n manin a puakna thong laih kawikawi ahih manin tu laitak a omna mun kithei zonawnlo ahih manin thong pan a hong suakta ten na theih khak zenzen uh leh hehpihna tawh a sanggampa Nang Lian Mang 016 321 3709 tungah hong zasak un. Lungdam.

KHUADO pawipi bawlna ding mapan khopna apiasa teng

Anlangh RM200
Buan RM100
Chiantagyi RM100
Cikha RM100
Cingpikot RM100
Dimlo RM100
Haiciin RM100
Haupi RM100
Heilei RM200
Kaptel RM200
Keltal RM100
Lailui RM200
Lamzang RM100
Luangel RM100
Lunmual RM100
Mualnuam RM100
Mualzang RM100
Muizawl RM100
Ngalzang RM100
Phaiza RM200
Phunom RM100
Pimpih RM100
Sezaang RM200
Singunau RM100
Suanghoih RM200
Suangphei RM100
Suangsang RM100
Taakkhawl RM100
Taaklam RM100
Thalmual RM200
Thangsan RM100
Theizang RM100
Tualzang RM100
Tuikiang RM100
Tuimang RM100
Tuimui RM100
Tuipi RM200
Tuisau RM100
Tuithang RM200
Tuizang RM100
Vongmual RM100

Biakna Pawlpi pan:

Christ Mission Fellowship RM200
Malaysia Laipian Pasian Pawlpi RM200
Manaa Zomi Christian Church RM200
Rawang Zomi Innkuan RM200
Zion United Pentecostal Church RM200
Zomi Adventist Church RM200
Zomi Catholic Community Malaysia RM200
Zomi Christian Assembly RM200
Zomi Christian Fellowship-Kajang RM200
Zomi Christian Fellowship-Kota Damansara RM200
Zomi Ebenezer Malaysia RM200

Hehpihna tawh hongkanpih un

Kansau khuami sanggampaLam Deih(kum 34)in a omna Sri Kuching Kansau Innpi panin September 03, 2014 ni sun nai 11am pawlin vakkhia in tuciang dong atunna, aomna kitheilo ahih manin Zomi akua mapeuh in hehpihna tawh nong kanpihna dingin huhna kongngen uh hi. Amu kha na om uh leh ZAM ahih kei leh Sia Ci Pau016 359 2048hong zasak un. Kansau Innpi Malaysia

ZAM zumah leitheih tuamtuam

(1) Zomi to English Dictionary RM50
Zolai Siangtho RM40
Galhiam Labu RM30
(4) Kawllai Siangtho RM30
(5) Namsiaza RM20

Ha bawlnuamte ading Ha bawl theihna

Ha suan nuam, Ha phop nuam, Ha bot nuam, Ha sawpsiang nuam, Ha bawlnuam te khempeuh in Ha Siavuan Sia Kai tawh na kizom un. Ph. 011 2763 6516

Tune Insurance kilei thei

TUNE Insurance te September 10 (Wednesday) ni Chinese Assembly Hall ah kileithei leuleu ding a, ZAM hall ah kalkik ciangin hongpai ding uh hi.

UN Card kimu

Za Neih Thang UNHCR Ref. 791-13C13274 anei pa’n ZAM zumah hong la in.

Hihmunte napel hamtang un

Palikte mat ding na ut kei leh anuai a munteng napai ciangin kidawm in ahih theih leh pai kei zaw le teh. Kotaraya, Mydin mai, Pasar Seni, Pudu Plaza leh Maluri Station.

Sia Joseph Tuangpu (016 254 4093)na hopih un

Mang Khup Tuang (Gamlai) pen tulaitak Semunyih Camp ah om hi. Amah a thei khaten leh a sanggamte’n ama thu kicing takin na theih beh nop uleh Sia Tuangpu na hopih un.

ZAM Card tawi Zomi te ading nasep

UNHCR-EST nasep zonsakna panin KLIA2 ansai a sem ding numei UN ngahsa pau tawmtawm ciang a thei numei 10 kinawh deih.
UNHCR-EST nasep zonsakna mah panin Johor Bahru KFC leh Kuantan KFC sai a sem dingin Zomi citak mi kideih behlai hi. Alunglut khempeuh ZAM zumpi ah na min sazian uh hong piapia un. Alunglutte kizopna ding: Mangpu 019 510 6413

Lungdam kohna

Nang Lian Mang (Tuilangh) in tukal Thupuak ading RM50 tawh ma hongpang ahih manin lungdam ihko hi.
Gamsung gampua leitung muntuamtuam pan ZAM nasepna te tha napiak nopleh lungdam takin hong kisang ding hi.

ZAM Hall ki kawmthei

ZAM Hall pen Session khat (nai 4 sung) RM200 ki lading a, nai 4 khitciang azatbehtoh nopleh naikhat RM50 ki lading hi. Aki zangthei vanteng: Aircon, Tutphah 150, Sound System, Drum Set 1, Wired Mic 1, Wireless Mic 2, Usher Counter leh adang tuamtuam.

Note: Guihtheih khamtheih zat ki phallo hi.

ZAM ah Ngeina puan leh vante kingah

ZAM zumpi ah ih ngeina Zopuan leh vante ki leithei hi. Aki ngahthei van te: Zopuan: a bantawng leh a bansau (pasal), Zoniik nam tuamtuam (numei), Puandum, Zodial, Zodial naikhau (silk), Puanlaisan, Tanghciin, Khephiau, Zokhi, Zolukhu, Zothungkuah etc. Dotbehnop aom leh ~ Ngaih Hau 010 823 0571

UN Sisitna mun

IOM MHD Malaysia
2nd Floor/Level 3 KPJ Healthcare
No 1, Jalan Pahang, 53000
Kuala Lumpur, Malaysia
General Line : 03-9235 5400

USA lengding te tentan kahna

F& B Business Park,
18 Jalan Metro Pudu 2,
Fraser Business Park, Jalan Pudu, 55100 KL
(Near LRT Chan Sow Lin)

Australia lengding te tentan kahna

A 14-6, Menara Atlas Plaza Pantai
Jalan Pantai, Rharu 59200 KL, Ph. 03-9235 5431

ZAM zumah leitheih tuamtuam

(1) Zomi to English Dictionary RM50
Zolai Siangtho RM40
Galhiam Labu RM30
(4) Kawllai Siangtho RM30
(5) Namsiaza RM20

ZAM Zumpi Address

155A, Jalan Maharajalela,
50150 Kuala Lumpur
Office Tel: 03-2142 6659/03-9226 1926
Hotline: 016 293 9027

ZAM zumah VCD/DVD khui kingah teng

1. Khuppi
2. Pahtan Ni
3. Thein Khai
4. Laizom (VC Mang)
4. Sakmel Hoih
5. Phatna La ZBC
6. Vanglian Sisan No. 3
7. Nang Ka Zaila
8. A Tamzaan Lungtang
9. Anopdan Film
10. China Jubilee (Praise & Worship)
11. Itna Vanglian Hi (Stephen Vocal Band)

Zu hoih bel om kei naven, ahizongin tuhun ciangin zu bawlte’n helpih tuamtuam nei uh ahihman in lauhuai mahmah hi. Tua zu adawn kha te’n gilnat luatna, sungpai natna, lutang nat luatna, mit khuamuh kitel lohna, sungnim luaksuak ,huih diik hamsa sakna, sihbup theihna cihte ngah thei uh hi. Hih a tunga ih gelh natna te na neih leh na zu dawn hang hi thei ahih manin nawh takin na omna tawh a ki naipen Zato zuanpah inla, kivel sak in. Hithei hileh Zu dawn kei leng hoih pen pen hi.(Selangor Health Department)

Depression

Lungkhamna leh dahna cihte pen a ngeina hi. Koi pan hong kipan cih kan ding hi hang. ih tuahsa leh ih thuak khakte tung tawn in Depression kingah thei hi. Innkuanpihte, zi te pasalte hng nutasiatna hang hi thei, nasep kician neih lohna hang zong hi thei, nasep silbawlna ah upmawh zah in a senpy loh man zong hi thei,sum-leh-pai kicing neih loh man zong hi thei, cinant lunatna hang zong hi thei,hong huh hong panpih ding a om loh man zong hi thei, ei leh ei ih kinuseekna hang zong hi thei, ngaihnutna maan lo ih neihna hang zong hi thei, ihmut theih lohna hang zong hi thei, zu leh zatui zatna hang zong hi thei, kuama’n hong thusim lohna hang zong hi thei hi. A tunga ih gen thu teng hangin lungkhamna leh dahna a thuak ih hihi. Ahi zongin hih depression pen a om den hi lo a, a om thei zel bek ahihi. Depression ih cih pen numei sung sangin paslte sung ah tawm zaw a, zang khial lehang ih nuntakna naleng bei lawh thei hi.

Depression ih ngah ciangin bangci kidal ding?

A masa penin ihmut cimsak ding thupi hi. Ihmut cim peuh leh ih ngaihsutna leh ih tha mahmah zong hong hat pah lel hi. Lungsim daisak hithiat ding. A haksa thute ngaihsunsun selo ding, a dahhuai thute ngaihsutloh ding thupi hi. Nisim in cidamna ding an bek ne ding, tui bek dawn ding. Gilvah sak ding cihna hi. Lungkham man leh dah man lel in zatui leh khamtehih zu tungah kinga pahpah lo ding. Na lunglut kei phial zongin kipawlna te ah lut in sep leh bawl omte huh in mapang ding. Tua mi tawh na kithuahna hangin a beisa a na thuaklah teng mangngilh zo pan ding hi teh. Na innkuanpih te tawh, na lawm na gualte tawh kikhawl ding, nang bek om ngei lo ding cihna hi. Pasian nasem siate a hizong in thudot theih mipilte tawh kikop ding, thu dong ding, tha hong pia thei te bek tawh kithuah ding cihna hi, tua hileh na lungsim nuam ding hi. Nisim thungen ding, siavuante hong zatui piakte zong ahun hun in ne ding, dawn ding. Hih pen thupi mahmah hi.

Depression (Lungkhamna dahna) ngahte ading kibawlna nam thumte:

Counseling:dan, gamtat luhek zia ding, genpih ding.
Psychotherapy:Kithuahpihna, hopihna leh hilhna tawh hoih sak sawm ding.
Medication:, zaha tawh kibawl hamtang ding.

Depression a neite bangci huh ding?

Lungkhamna Dahna (Depression)natna nam khat mah ahih maninoihtak bawl masak kul hi. Tua dan mite pen thapia ding, hehnem ding hi hang. A hoihtuam theih kei leh zato paipih pih ding hi hang bang hang hiam cih leh amah pen cina mah ahih manin itna takpi tawh thapia den thei le hang hoih hi. Neu bawllo ding, ciamnuih bawllo ding, hoih takin ho ding hi hang. Amah tawh kikhawl ding, ki-thuah ding, ho tangtang ding, khangno lakah kihel pih ding, kipawlna te ah lutpih ding, om khong saklo ding, hun awng ahauh luat leh a ngaihsutna pai khial suak ding hi. Tua ahihman in kikholhpih den zawh ding thupi hi.

Tune Insurance Malaysia Berhad

August 30 ni-in ZAM hall ah REMEDI vai-in TUNE Insurance te hong pai uh a, mimal kigawm vekpi 345 in lei thei uh hi. Alei khempeuh Insurance Card pia pahpah uh hi. REMEDIHealth Insurancepen ei Malaysia gam sunga om Refugee leh Asylum Seeker te zat theih dingaUNHCRlehTUNEte pang khawm a kibawl ahi hi. December 31, 2014 beima limlim mikim in neihloh phamawh ding khat a ngaihsut ahi hi.

TUNE Insurance leite phattuamna ngah theihte

Zatopi sungah Room saapna/om man ni 25 acin dong aman hong piak sak,
Cina gimte kituam kepna (Intensive care Unit) ah om man ni 12 acin dong piak sak,
Zatopi sunga vanzat teng leh Service man khempeuh hong sik sak,
Ki-atna sunga lut man,
Ki-atna sumbei teng,
Nat khaamna zatui bei man teng,
Zato lup laitak Siavuante’n nisim avil man (ni 25 acin dong),
Zato lup laitak Specialist te thudotna man bei teng (ni 27 acin dong),
Zato mawtaw zatna sum bei teng.

(Theih ding thu: A tunga 1-9 dong pen mimal ahih leh RM10,000 ciang siksak ding a, innkuan (mimal behlap omlo) ahih leh RM12,000 ciang siksak ding hi. Zato lupman pen Third Class rate tawh hi dinga, zankhat giah man RM 60 sang tamzawlo ding cihna hi.)

Kumsim lutman:

Kum 18 tungsiah mimal lutman RM 120.
Innkuan ahih leh member 5 ciang bek hi dinghi, nulehpa sim loh tate pen kum 18 nuai hi limlim ding.
Innkuan 5 khit banah kum 18 nuailam behlap nop a neih uleh mimal khat ciangin RM 20 ta piak kul ding hi.

Special Condition

Ni 15 pan kum 64 kikal teng hih Tune Insurance ah lut thei uh hi. Kum 70 aphak dong kumsim renew kul hi.
Insurance lei ni a kipan ni 60 sung na Insurance pen nungta nai lo dinga, ahizongin natna tuamvilvel na tuak khak zenzen leh hong ki panpih veve ding hi.
Zato inndei a tam mante nasap leh Company in 20% bek hong siksak ding hi.
Sum beizah Company panin lakkik ding na neih leh ni 30 sung ngetna lai Company ah na piak hamtang kul a, ni 30 aval khit leh Company in na ngetna lai hong nawlkhin sak thei hi.

TUNE Insurance in ahuam khakloh teng:

Vun laih man, zang muuk at man, mit vel man, mit limlangh leina sumbei teng Company in siklo hi.
Ha bawlna sum bei zong siklo hi.
Mimal a zato siamah tuam zatna man a kilawh theih natna (AIDS) hanga hun sawtpi kep tuam a kulte kepna man sum bei teng zong siksaklo hi.
Khamtheih zatui zangte, zukhamte, leh natna lungno dalna dinga zatui kisut man bei teng zong siklo hi.
Khankhiat pih natna/mibat zawh lohna hanga zato ah at kulte sumbei zah zong siklo hi.
Nau sia, nupi naupaai, naupaai at loh a suakzo lote, nau kiatsakna, leh pasal numei tawh om khop theih lohna hanga zatui zaha tawh kepna sumbei teng zong siklo hi.
Lung hihmawh mana zato ah kivel sakna (Zato lup kullo), X-ray bawlna sum beite zong siksaklo hi.
Amah leh amah kithatte, apil a hai hitaleh ama pumpi a bawlsia a sih ding a sawmte zong hih Insuarance in huamlo hi.
Gal kidona munah a liamte, khuasung buaina sungah kihel a liamte, kumpi tungah lungkimlohna lahna hanga liam thuakte etc kikep man zong siklo hi.
Huih siangtholo diik khakna, nuclear guu thuaklah a cina te kepna sumbei zong siklo hi.
Na pumpi sunga om na khat peuhpeuh cinate tungah piak sawn na sawm leh na kikepna sumbei teng hih Insurance na lei zenzen hangin hong kisiklo ding hi.
Ihmut theih lohna hanga kiveelsakna sumbei teng leh, a uang lua a naksiatna hanga zato tunna sumbei teng zong siklo hi.
Zato na lupna khan sungah zatuizaha sim loh adang TV, Phone, radio etc…hanga sumbei teng hong siksaklo ding hi.
A lauhuai leh a haivai kimawlna sungah na kihelna hangin natna liamna bang lo khat na tuah leh na kikepna sumbei teng hong sik lo ding hi.
Vanleng sap zong mi tangpi zat ngeite a hih leh bek hong sik dinga, Private flying tawh kisai sumbei company in hong piaksaklo ding hi.
Lungsim paikhial theite,hun a nei theite kepna sumbei zong siklo hi.
Zahmawh khekna sumbei zong siklo hi.

UNHCR-Personal Accident Insurance Scheme
(Hih aa dingin MYR 11.50 bek piakkul hi)

Kamsiatna tawh deihloh pen natuah khak zenzen leh anuai a bangin hong kihuh ding hi.
1. Sihna na tuak leh MYR 23,000.
2. Khantawn a mi bang zo nawn lo ding na hih leh MYR 23,000.
3. Kum khat sung zatui zaha tawh kikepna ding MYR 2,000 ciang.
4. Na innkuanpihte ngah ding2,000.

Anuai a ih pulakteng hih Insurance in huamlo hi

Zukham ankham, khamteih guihtheih tawh a kidiahte.
Mi khutlum tawh sihna.
Mi khat ii hehna khutlum khat laithuak khakna.
Gal kidona/Khualum lelh mana natna/huih nin diik khakna/ama pumpi amah mah in bawlsia/amah leh amah kihat.
Naupai/nausuahna
Kimawlna (sport) munah kamsiatna
Vantunglam ah tatkhialhna
Tuisung nasepna hanga naaklahna
License kician neilopi a Motorcycle tai kidemna ah na kihel a na tuahsiat leh.

*Lamet lohpi in na nau a tolh leh MYR 120 pia pah lecin hong kivanto suak ding hi.

Tune Insurance Malaysia Berhad
Level 8 Wisma Tune,
No. 19 Lorong Dungun,
Damansara Heights, 50490 Kuala Lumpur.
Tel : 03– 2087 9000 Fax : 03-2094 1366

Address:

155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  zomiassociationmls@gmail.com

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.

Note :: PDF tawh na simnop leh

Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…