Bible: A Book of Destiny

Bible: A Book of Destiny

Leitung ah laibu chi tuamtuam minthang leh hoih, mihing damsung khosakna dinga lamlak thei leh phattuampih theih ding tampi a om lai in Pasian mizat mahmah khat in hichi’n a na gen hi. “Many books informed people, and some other books conformed, but only the Bible can transform people.” Bible pen laibu tampi ana kigelhte lak a thupipen leh hoihpen ahi. Bible in leitung mihingte khosak dingdan bek hong hilh lo in sihnung chiang tan dong a i om dingdan leh i khosak dingdan hong kawkmuh thei laibu lamdang leh manpha khat ahi hi.

Hih laibu (Bible) pen Pasian hu-khah khum (God’s breath) a bawl leh piak ahi a, kithuhilhna bang, kitaihilhna bang leh kisukdikna bang leh diktatna lama kithuhilhna ding bangin a phatuam hi. (IITim.3:16). Laigelhte tungtawn a Pasian mihingte kianga a kilakna (revealed) laibu BIBLE a na hi hi. Hih laibu [(Bilbe thukhun nih- Thukhunlui bu 39 (Old Testament) leh Thukhun thak bu 27 (New Testament)] a kigawma bu 66 a bawl Pasian hu-khah khum ( The Word of God) a diklo omlo Lai Siangtho – Bible kichi hi.

Translation

Lai Siangtho kilehkhiat dan tomkim aa gen in,1380 kum in John Wickliffe in thukhun thak (New Testament) Greek ham apat English ham in a hong letkhia a, kum 1525 in William Tyndale in a hoihzaw sem leh kichingzaw semin a hong letkhia kik hi. Hun sawtpi nungin version tuamtuam tampi lehkhiat ahih nungin England kumpipa King James thupiakna leh phalna tawh mipil laigelh siam mi 47 te’n kum 1611 in King James Version (KJV) min pua-in Bible bu pumpi (Holy Bible) a hong letkhia (Translated) ahih nungin kum zabi 20th a mite’n a sim siam leh theihsiam theihna ding deihna in New King James Version (NKJV) bawl khiat in om leuleu hi.

Tuabang a Bible lehkhiatna a masawn toh dungzui in, English translation gentak loh nam tuamtuam, ham tuamtuam a sim theih dingin Pasian Kha Siangtho kithuahpihna leh nasepna tawh leitung pumpi ah kihawmkhia khin phialta hi. Hibang a Bible lehkhiat (Translate) leh hawmkhiat laibu dang bangmah om nailo hi. Laibu dang tawh teh gual ahih loh dan leh akilamdanna hibang a muh theih ahi hi. Thildang leh laibu dangte pen a lui deuhdeuh leh a kilawmna leh hoihna bei deuhdeuh a, Bible pen a lui deuhdeuh leh a hoihna leh a manphatna kilang deuhdeuh sese mawk hi. Tuaziak hoh hi inteh, mi khat in “ Bible… ka Bible luino..” chi a khialah tak a na gen gen uh.

Theme of the Bible

Bible pumpi thupi leh tup leh ngim pen bangmah dang hilo in Pasian a thupina banga mihingte’n a pahtawi ding deihna, a thupina a latsak utna tawh mihingte a hotkhiat utna a hipen hi. Thukhun Thak (New Testament) ah Jesu Christ hinna, sihna leh thawhkikna ziak a tatkhiakna tungtawna a siamsa mihingte’n tangtawn hinna a neih theihna ding ahi hi. Tua pen Pasian milungsiatna. Jn. 3:16.

Value of the Bible

• 1. Bible in hotdamna tawh kisai mi a pilsak a, ginna/upna ziak in Christ Jesu ah Pasian hotdamna a tang/ngahsak thei hi.
• 2. Pasian pomtak leh santak hithei dingin mite hinkhua a siam zangkhai sak zaw hi.
• 3. Pasian Kha Siangtho kithuahpihna tawh Bible in mite pilna leh theihsiamna a tun zaw hi.
• 4. Leitung mi siamte’n laibu tuamtuam pansan in mite bumhai thei uh a, Bible in a kibumhaite pilsak zaw hi.
• 5. Leitung misiamte’n laibu tuamtuam pansan mah in mi koltangsak thei ua, Bible in mi koltangte suakta sak thei hi.
• 6. Leitung mite’n mi siam mi pil, leh mi hausa a zonlai un, Bible in mikhial, mimawl, mineilo leh tagahte a zong zaw hi.
• 7. Leitung mite’n leitung’ thupinate leh tungnunna a kituh lai un, Bible in, kiniamkhiat leh kingainiam dinga na gen hi.
• 8. Leitung mite’n nam neu leh nam lian a hah gen lai un, Bible in mi tengteng kibang leh unau khat in a na gen hi.

Pasian thu ahih leh hing in sil a zong bawl thei a, namsau hiam-tuah bang chibang sangin zong a hiam a, hinna leh khaguh lawi leh guhngek tuam khen hial thei khop in a sunthei a, lungtang a ngaihtuah leh tupte a theipai ngal thei hi. – Heb. 4:12.

What the Bible means to you?

• “The Bible is my best companion” – Mother Terasa.
• “While saome books inform and others reform, only the Bible can transform” – Billy Graham.
• “The Bible is a record of man’s complete ruin in sin and God’s complete remedy in Christ.” – Charles Spurgeon
• “The Bible will keep you away from sin or sin will keep you away from the Bible.” – D.L. Moody.
• “Only the Bible has the answer to the problems of today’s world.” – John Haggai.

Source: Zomi Christian Fellowship, Delhi