2014 Myanmar Census vaitawh kisai anunung thukizakna

2014 Myanmar Census vaitawh kisai anunung thukizakna

Lawm leh gual mipih a kua mapeuh tutung Oct 19, 2017 ni in Naypyidaw, Hotel Max ah Pu Khup San Thang leh kei a (11) veina National Advisory Committee (NAC) on 2014 Myanmar Population and housing census vai in ka kihel kha uhi. Tutung ko ading a khatveina hipan in a thaksuah peuhmah hi. Lawm dang te ahi Chin National Action for Census Committee (CNACC) te zong a kihel toto uh ahi hi.

Kawlgam sung minam vaitawh kisai mimal phazah a kito koh theinailo pen Rakhine vai buaina hangin kitangko theilo ahih lam honggen uh aa, Pu Gin Kam Lian in Zomi vai adot genkhuan a ngah lohna thu zong honggen uhi. Ei Zomi bek hilo, Khumi, Shan cihte pawl zong 914 ah agelh vive ahi hi.

Tua lak ah Kuki te vai zong honggen in India ah zong Kuki cih minam min om khin ahih teh hamsam ding hi ci in U Myit Kyit in genbeh hi. Pu Gin Kam Lian thu dotvai tawh kisai တိုင္းရင္းသားေရးရာ ေကာ္မတီ te hong kipsakna bek a kisam ahihi hong ci-in a omsa min kilaih dingbek hilel aa na data uh kisam ding hong ci hi.

Hun man kuateh 914 vai code a pia nu Daw Khaing Khaing Soe kiangah ko 914=Zomi ci in ka gelh uh bangci ciiang hita hiam ci in ka dot leh 914 code pen kiphiat in Zomi=? cih dan in result hong suak ding hi, cih hong gen beh hi. Cihteh hong suaksak ding na hi uhiam ci in ka dot beh leh တိုင္းရင္းသားေရးရာ ေကာ္မတီ in hih Union sung aa om tualsuak minam na hihna uh na lah nak uh leh hamsatna omlo hi hong cih beh in ZCD party register siauna laite hoih tak kep kisam kha ding hi.

Hih census tawh kisai in code no a kipiakna pen computer sungah a ciapteh nopna ding aa kiguang hi in minam ciaptehna hilo hi cih zong hong genbeh hi.

Tua hi in တိုင္းရင္းသားေရးရာ ေကာ္မတီ in hong kisap khitteh hih anuai a teng a kik milip kisim teh Zomi code nuai ah kikoih ding hi.

1. Tedim
2. Khuano
3. Dim
4. Saizang
5. Sihzang
6. Zo
7. Guite
8. Thahdo/Kuki
9. Teizang
10. Gangte hih (10) teng Zomi sungah kikoih ding hi.

Tutung inntek sem aa hing sam pen UNFPA te ahi hi. Hih UNFPA te ii project pen census tawh kisai in Dec 31, 2017 ahi hi.

Telloh a om leh messanger pan kidong thei hi.

Nung Sian Tuang
Tedim