ZYA Sisan hawmte fund zonna vai

Dear Zomi u le nau nu le pa te-aw,
Kawlgam a om Zomi Khangno kipawlna ahi ZYA kum 10 bang hong cing ta in nasep na te Sisan thawl-1540, Oxygen bung – 495 le Motor tawh cina, misi puak – 489 ci bang in na ih sem khia khin ta hi. ZYA kum 10 sung in mipi huhna vive tawh nakisem ahih mah bang in mailam ah zong huhna mah kisam toto lai ding hi.

Tua hang mah in zong tu in Sisan hawpna ading Fund zonna nasia tak ih geelkhia a Leitungbup a om Zomite tung huhna nget kawikawi ding in ih geelkhia hi. Hih pan a kingah Sumte in ZYA i cimawh dongtuak nasep na ading hi a adiakdiak in Zum leitang neih zawh nading mahmah lunggulh na Lianpi ih nei hi.

Ticket pen 1 teh Kawlgam sum Ks – 5000/- in ki zuak hi a US $5 tawh kikim ding in geelna ih nei hi. Bu khat ah dal 25 ta om a bu 1 teh Ks-125,000/- hi ding hi. Ticket pen copy khat attach tawh hong khak ung. Atung a van te ngah nopna sang ih mipih cimawh dongtuak te huh na ding in ngaih sun in thapia a ih lei tek nading in zahtak na lianpi tawh kong zawn uh hi.

Mipih cimawh dongtuak te huhna panpih na ading a kihel nuam peuh mah in Kawlgam ZYA omna mun teng ah ticket kingah ding a, adiakdiak in a bu in thapia nuam te ZYA Zumpi ah Ph: 0933565003, 09400311770 te tawh kivai khak thei ding hi. Minam nasepna thapia ciat ni.

Minam ading note tawh nasem khawm,
Kam Suan Mung
General Secretary
ZYA, Myanmar.