ZYA min tawh USA zinna vai
Zomi ulenau nulepa te aw, ZIUSA vaihawm sak natawh ZYA min in UN ah khawmpi sim in ka paina uh ah nuamtak in nana zo thei hi ung. Tua ban ah ZIUSA pan phalna om mah bang in Rev Pau Khan Khai (ZYA International Consultant) hong gelsak na tawh USA gam sung State 20, Khua 26 ah ZYA nasep pulak na le mailam kalsuan zia ding genna nana nei kawikawi thei hi ung.
Hih khual zinna ah Zomi ki it, ki vei tek in tua mah tawh kizui in ZYA nasep nading ci in huh na zong hong kipia ciat hi. Sum tang ban ah ZYA nasep na ading akisam Oxygen, Tan 10 D pahtawina ading, Sisan hawmte pahtawina ading, Camera le ZOFA ading cih bang in zong huhna kingah toto lai hi. Sumtang ngah zah ahih leh ngah masak sak zui in inn lam a ZYA Sumkeem pipa Pa Vung Za Khup tung ah nana khak pahpah ung in khak sa pen Ks. 15133500/- hi.
Ngah lai ding kamciam hong kipia ahih leh $1630 hi. Topa geelna sa hong thukim pih aa ahih leh July 23 Ni in Tulsa pan Kawlgam lam nana zuan kik ding hi ung. USA om sung hong zin do kawikawi Zomipih akua mapeuh tung hi ta leh sumtang a hongpia khia te ban ah van tawh ma hong pang akua ma ciat tung lungdam mahmah na ZYA min tawh hong ko phapha hi ung. Ih Biak Pa Pasian in akam ciam om mah bang in azah 30-60-100 dong in hong dim kik ding hi.
Gamleminam ading note tawh nasem khawm den
Pa Kam Suan Mung
General Secretary
ZYA
Comment piaknop aomleh...