Zuakding akikoih mawtaw Bonnet sungpan Python gulkhat kimu

Zuakding akikoih mawtaw Bonnet sungpan Python gulkhat kimu

Malaysia, Selayang, Jalan Batu Caves aom Hypermarket khatah akikoih mawtaw Bonnet sungah gulkhat naom citciat ahih manin Firefighter te’n mankhia uh cih theStar pan kiza hi.

Tua gulpen Python akici Thamgul namte hi a, meter khatbang sauding cihi. Gul aomna mawtaw pen mawtaw athak, zuakdingin Dispaly in akikoih hi a, tua mawtaw ii Bonnet Engine Compartment sungah akimu ahihi.

Selayang fire and rescue station operations commander Mohd Kasirin Ibrahim kicipa ii genkhiatna ah Thursday ni 12:24pm hunpawl in huhngetna Distress Call akineih ciangin Firemen mi 7 in kidelhpah ci a, Distress Call hongkisapzawh Minute 20 sungah aphual katungpah uh cihi.

Aphual katun uhciangin mawtaw Bonnet pen aki khakcipsa in om cihi. Gul amukha khatpeuh in laulua ahih manin, Bonnet pen khakcipsa in akoih hiding cihi.

Tuapanin Firemen te’n mawtaw Bonnet sungpanin gul mankhia uh a, 1:04pm hunin kimansiang hi ci’n genkhia hi.

Mawtaw Bonnet sung, Engine Compartment sungteng ah gul omnuam mahmah ahih manin Fire and Rescue Department te’n tamveipi ki lakhiatsak khinhi ci’n genbeh hi.

Mohd Kasirin in 2016 kumsung bekbek inzong mawtaw Engine Compartment pan gul lakkhiatna ah kakihel pen 30 veibang phading ci’n genkhia hi.

Tutung Python pen kamuhngei lakah agolpenpawl hiding hi cihzong genbeh hi.

Tua Python gulpi pen lamma bangmah aomloding in mankhia uh a, akinaipen gamsung ah ki khahkik cihi.

Malaysia meiphelh te nasep lakah gulmat zong abuaipihdet uh nasep ahihi. ZD Sawltak #zomidaily