Singapore SMRT meileng lampi tungah mikhat asisa in kimu

Singapore SMRT meileng lampi tungah mikhat asisa in kimu

Singapore gamsung aom LRT meileng lampi sikzawn tungah pasal khat asisa in Friday (Mar 24) zingsanglam in kimuh cih CNA pan kiza hi. Meileng vaisai SMRT te’n Statement apulak khiatna ah tua misiluang pen Fajar LRT Station ah Friday ni zingsang 1am hunpawl in ki mukhia cihi.

LRT meileng anunungpen apaikhiat khitciangin meileng lampi tungah siluangkhat akimuh ciangin SMRT te ki zasak hi. Tuaciang in meileng thunei te’n Singapore Police leh Singapore Civil Defence Force (SCDF) te zasakpah uh a, asawtlo in hongtungpah uh cihi.

Paramedics te’n sitcianna aneihkhit uhciangin tuapa pen meileng lampitung aphual mahah asisa in omcih genkhia uhhi.

SCDF te genkhiatna ah tua asipa pen Chinese pasal khat hi ci uh a, ahi zongin tuapa ii pumpi tungah bangmah ID puak neilo cihi.

Hih Singapore LRT meileng lampen 1999 kumin akihong hi a, aki honzawh akipan hihpen Accident cilna hilo hi. 2000 kum in See Chau Lai kici Hawker Assistant pasalkhat Jelapang Station ah meileng in nawkkha in sihi.

Thunei te’n akancianna ah hihpa pen zukham ahih manin, meileng lampi tungah paikha ahih manin meileng in anawklum kici hi. Tuapen Bukit Panjang LRT aki honzawh tuahsiat cilna ahihi.

2010 kum inzong Phoenix Station ah LRT Technician khat meileng in nawkkha ahih manin sihlawh hi. Tuapa minpen Chia Teck Heng akici khat hi a, Phoenix Station leh Bukit Panjang Station kikal aom Power Rail te Checking bawlin aomlaitak meileng in anawkkha ahihi.

More: Singapore ah Myanmar Maid khat innteekpa’n buan ahih manin kum 13 thongkia

Nungkum March 22 ni inzong meileng in mi 2 nawklum ahih manin, SMRT te $400,000 ki liausak hi. ZD Sawltak #zomidaily