Malaysia gamsung ah IS tawh akizom dingin muanmawh mi 234 kimankhin

Malaysia gamsung ah IS tawh akizom dingin muanmawh mi 234 kimankhin

Malaysia gamsung ah tukum February 22 ni ciangciang IS migilo tetawh kizomding in aki ummawh mi 234 kimankhia khinta hi ci’n Royal Malaysia Police tenkhia uhhi.

Tuabek thamlo Syria gamsung ah IS galkap tumding in akuankhia atungkhinzong Malaysian gammi 95 bang phading hi ci’n Malaysia Home Ministry in genkhia hi.

Tua IS galkap atum mi 95 lakpanin mi 30 pen galdona, ngongtatna ah sikhin cihi. Syria panin Malaysia gamsung aciahkik zong mi 8 bang phakhin a, Malaysia tunphet in palik te’n manpah uhhi.

Malaysia kumpi in agamsung ah ngongtatna Terror Attack apian khakding patau mahmah uh ahih manin Malaysia gamsung luttheih nading Entry Points khempeuh ah Security khauhsak mahmah uhhi.

Vanlam, leilam leh tuilam (Air, Land and Sea) tawh luttheihna Entry Points khempeuh bitsak uh a, “Prevention of Terrorism Act 2015, Security Offences (Special Measures) Act 2012, Prevention of Crime Act 1959” cih thukhunte tawh kizui in kilimsep mahmah cih Ministry in genkhia hi.

More: Malaysia ah ISIS te khutzat mi 4 kiman khiata

IS migilo te’n huihlak Online Social Media tungtawn in mipi lunglut theihtheih dingin Propaganda tuamtuam khahkhah uh ahih manin, tuatezong “Malaysian Communications and Multimedia Commission” leh Malaysian Police te’n encik mahmah uhhi. ZD Sawltak #zomidaily