USA, Kansas ah Kawlgammi khat thautawh kikaplum

USA, Kansas ah Kawlgammi khat thautawh kikaplum

USA, Kansas State sung aom Kansas City sungah Myanmar gammi pasalno khat thautawh kikaplum cih kiza hi. Kansas City News te genkhiatna ah tuapa pen amin December Htoo ci uh a, amahpen Refugee tawh US gamsung alut gambel mikhat ahihi.

December Htoo kicipa pen Kansas City sung aom “J.C. Harmon High School” ah akah sangnaupang khat hi a, kum 15 bek phapan khat ahihi. Abeisa Friday nitaklam in sumtang tawh puansawpna “Coin Laundry” saisung ah akikaplum ahihi.

J.C. Harmon High School panin sangsia te genna ah amahpen amaitai mahmah, anuihmai denkhat cihi. Asian Refugee Camp ah Childhood hunsungteng azatkhit ciangin a innkuan un America hongtung hi a, tu’n ahihleh amah ii nuihmai pen kimukha nawnloding hi ci’n Zach Davies akici ama Wrestling Coach khatin nehno takin genkhia hi.

Ahehhuai phadiak ahihleh amahpen hih America leitang ah lametna tawh hongtung hi a, lungmuanna leh bitna zongin Refugee tawh honglut khatpen khatsiat huai phadiak cihi.

December Htoo pen 2400 Block of South 34th Street, Argentine Neighborhood sung aom Coin Laundry saisung ah asisa in Saturday ni zingsanglam in aluanghawm akimukhia ahihi. Apumpi tungtawh thau tawh 4 veitak akikapna kimu cihi.

Kansas State, Kansas City sungah tukumsung in hihbangin akikaplum pen December Htoo tawh hileh mi 33 aki kaplupna hita hi. Thautawh kikapna ahilo adang mikithahna “Homicides” tuamtuam pen Kansas City sungah tukumsung in 130 veibang omkhin cihi.

Video: December Htoo, 15, was shot to death inside a KCK laundromat where he worked

December Htoo ii asanggampa ahi Kyaw Wah kici ii genna ah a upa pen America gamsung ah asunmang ataangtuntheih nading in ahanciam mahmahkhat cihi. December Htoo pen Wrestling kilai a uk mahmahkhat ci a, Professional Mixed Martial Arts Fighter khat apiantheih nadingin ahanciam mahmah cihi.

More: USA, Kentucky ah Chin State pan Kawlgam mikhat thautawh kikaplum

Amahpen midang tawh akithuahtheih, pawlngai mahmah in agualnuam theimahmah khat hi a, kuamah tawh kigalneihlo cihi.

Hih thautawh akaplum pen kua cih kitheician nailo a, Kansas City Police te’n hihvai atheikha na om uhleh amanlang in hong zasak un, Information hongpia un ci’n tangko uhhi. Sawltak #zomidaily