Zosuan Tuailai khawmpi tukpeng vai zaksakna

Zomi ulehnau,
Ongtung ding April 23-26, 2015 sungin Tedim Khuapi ah Zosuan Tuailai Khawmpi (ZTK), a nih veina thupitak kibawl ding i theihsa ciat ahihi.

Hih Khangno tuailai Khawmpi a picing sakding, a nopci sakding alungluthuai tuamsak dingin, minam sung football soccer kidemna khat nei zo lehang cih ngaihsutna om ahihna tawh kizui in, Malaysia aa om Zomi Association of Malaysia (ZAM) in Malaysia pan akhatna leh anihna ding Cup lianpi khat tuak ong piakhia uh aa, Global Zomi Cup ci-in tua kituh ding, siamna lak khia ding gelna i neihi.

Tua kimawlna ah deidan omlo, ciangtan omlo Zomi ahihnak leh kihel thei ding aa, ei leh ei kikaikhawm tawm in team khat in kiding thei dinghi. Zomi kampau kamphen kullo ahihnak leh kihel thei hi.

Akihel nuampeuh in hih taangkona pen sapna in nasansak pah unla, kei kiang ah March kha, 2015 bei ma in ong zasak kik un.

Ei tha leh ei tha cihmah bangin kimawlna vaisai committee lam pan bangmah huhzawhna om zolo ding aa, Tedim Khuapi aa kimawl ding i hihmah bangin, zintun paaikhai nading inntek ZYA in ong vaihawm sak dinghi.

Ciangtan omlo, deidan omlo i cihsam hang a siamzek, akingaapzek, leh a lunglut taktak teng mah ong kihel nading deihna tawh lutman team khat ciang Kawlgam sum Ks. 100,000 ta ong kila ding aa, zatna nengneng i zatkhiat khit ciang tuateng mah akhatna, anihnate pahtawina in zang kikding hihang!

Gampua panzong ong kihel nuam i om leh paisuk paitoh thubuai omloh nading kigel nuam ahihman in, a kimawl dingte leh makai ong kihel

ding khempeuh amin apuam, kizop nading phone, email address nong puak baih nading un kong thuum hi.

Minam sung kiho theih nading, ki-it kithutuahna akhan nading lunggulhna ahihman in, pau leh ham, awkaih cihte team min ding leh kikaihkhopna aa nong zat loh nading uh kong thuum kholhi.

Nong kizop nading uh,
Ps lutman pen manager meeting ah agenda khat in koih lai ni.

Do Khan Khup
Ph:095075024
Email:[email protected]