Covid-19 ah Volunteer te pahtawina lai piakna kinei
PAHTAWINA LAI PIAKNA NEI – Social Welfare, Relief and Resettlement Union Minister Dr Win Myat Aye in Covid-19 natna hang a akipia khia volunteers semte tungah pahtawina lai leh muktuam(Mask)piakna, Case 318 ading nektheih moh leh kimawlna van piakna leh Cidamna lam tawh kisai laihawmte piakna July 15, 2020 ni zingsang nai 8:15AM hunin Tedim Khuapi, Technology High School sangah kibawl hi, cih thu kiza hi.
COVID-19 Emergency Committe-Tedim CSOs aitangin Pa Nangno (Vice President, ZYA) leh Volunteers group 6 aitangin Pa CS Mungno (GS-TYF) te in pahtawina lai sang uh a, Case 318 ading moh, kimawlna vante leh cidamna tawh kisai laihawmte Tedim Zatopi Siavuanpipa Dr Zaw Myint Naing in sang hi.
Union Minister Dr Win Myat Aye in “Mipi kikhopna kibawl theilo ahih manin akisam pawlkhat tawh bek pahtawina lai piakna hun akibawl zo hi bek hi” ci-in gen hi.
Minister Pu Paulun in “Hih bang a Quarantine na lut uh pen thumanna leh thkhualna taktak hi in alut mimal kim tungah lungdam mahmah ing. Ei lam pen kithumang in ah tungsiah pan hong kisawlna zui ih hih manin mundang gamdangte sang natna kilawhna tawm zaw le zekai zaw tham hi. Hihdan a na thu manna uh hangin lungdam ing.” ci-in Technology High School sangah Facility Quarantine aki-encikte tungah thapiakna nei hi.
More: Malaysia Zomi Refugee te vai vanding in MP Pau Lun paikhading
Chin State Health Department Dr Aung Ngwe San in “Hih bangin hong ki piakhia volunteers te tungah lungdam mahmah ing. Muktuam (Mask) thuah hamtang ni. Muktuam(mask) thuah zongsat sawm mahmah ni. Hih muktuam thuahna in nang ading natna dal bek thamlo ei natna mite tungah akilawh loh nang zong hi. Tedim Khuapi ah Case 1 akimuh cil in kilau thawng mahmah hinapi tun ki-awlmawh nawn lo hi. A taktak in cileng tulaitak pen ki nak dop huai mahmah zaw hi.”ci-in gen hi.
Comment piaknop aomleh...