Zomi te in i minam van tuamtuam te a kipan, ih Zopuan tuamtuam te zatdan kidawp huai

Zomi te in i minam van tuamtuam te a kipan, ih Zopuan tuamtuam te zatdan kidawp huai

Kum hong beikuan ta in, ih minam pawi te zong ong tungtung ta ding ahih man in, Zomi te in i Zopuan te a kipan ih ngeina hoih te ciamnuih na a ih bawl nawnloh na ding lunggulh na tawh lei tung buptuam a om Zomi te kiangah thu hong vaikhak nuam ingh.
1. Minam lian a kici te in a ngeina te uh zahtak bawl in zatdan siam uh hi.

2. Ei Zomi te in ih minam van te ih koi ci zat hiam? Ciamnuih bawlna khawngin i minam van te a kipan i minam puan te ih zang kha hiam?

3. Munpawl khatkhat te ah Zomi National Day bang ci gemgam napi hangin, Numei puan khawngpeuh pasal in silh in, Pasal puan khawngpeuh numei in silh a ciamnuih bawl na a zang cih te pawl zong kilawm lo hi.

Tua ciangin ih Zopuan ngawng awh neu te zong ih awh ciangin, hoih tak in awkh in tangsak sitset le hangin kilawm in zong et lawm zaw hi.

Ahoih penpen ah Ih Minam van te i zat ciangin, Silh sitset , Teeng sitset, Awkh Sitset, Khu sitset, Bulh sitset le hangin kilawm pha deuh hi.
Thang Cin Khai