Zomi Nam Ni 2017 Brisbane ah zongh nuam ei ~ Khaibawi

Zomi Nam Ni 2017 Brisbane ah zongh nuam ei ~ Khaibawi

Tutung Zomi Nam Ni, Brisbane, Queensland ah nasia tak-in kibawl a, lasiam Esther Sian(GZI Idol) in zong a Sangkah, a nasep leh ahun manpha tampi a nusiat ban-ah a pilna, a siamna, a sum le pai itsitlo tak-in a omna Melbourne panin Vanleng tawh nainih kim bang hong leng vingvengh in, Brisbane aom a mipih Zomite kiangah hong zai ziahziah ahih manin mipi a kuamah peuh in tha kingah mahmah tek hi.

Esther Sian pen lasiam bek hilo in amel zong hoih in ngaihbang a, ki niamkhiat in Pasian zahtak a, nisim in Lai Siangtho sim-in thungen den hi. Neek le dawn pen Sea food losiah nethei in gennop mahmah a, omna giahna zong akoi munpeuh ah omthei hi. Zomi innkuan makaite aitang in UPa Khaitawng(Emmanuel Church) te’n zin hong dosak uha, ki lungdam mahmah hi. Topan thupha tampi napiak beh hen.

Esther Sian pen Mi tawh kikholh zong siam a, nupi papi, nungak tangval leh numei naupang akua mahpeuh tawh kikhawl thei-in akua mahpeuh in kikholh amah tawh kithuah pen nuamsa mahmah tek uha, a innkuanpih dingte bel hampha mahmah dingun ki lam-en tek hi.

Hici bang, Zomi nungak khanglai khat I neihkhak manin lunghuai kasa a, khangthak nungakta dingin zong, etteh tak kasa hi. A ma’n zong Zomi mah pasal in kadeih pen a, Pasian in hong piak nak leh ka thungetna zong hi, cilai ahih manin Zomi tangvalte ading in lam etna om mahmahlai hi. Singkung a vasa tung a kapsiam penpen in ngah hilel hi.

Brisbane a kibawl ZOMI NAM NI hun paizia a theinuamta ding in tawm kong gennuam hi. Zogam lapi sakna tawh hun kipan a, tua khitteh daitak in gam le minam ading a, a kipia khiate sunna hun tomno khat a kineih khitteh Zomi Innkuan President in Zomi Preamble simna hong nei in tua khitphet in Revd. Neng Do Lian in hun-ap thungetna hong neih khitteh mipi kitu pan hi.

Tuakhit ciangin Pa. Khaita (AZI Idol) in “Phamsa mihangte” cih la tawh hong awi hiauhiau in hun ki pantoto hi. A kicingzaw in a theinuamta ding in anuam ah ongsuah ing.

A 69 VEINA ZOMI NAM NI -2017
(The 69th Anniversary of Zomi National Day)
Organised by: Zomi Innkuan Australia.

• Amun: St. Paul Hall, Woodridge, Queensland-4114.
• Date: 20/02/2017.
• Ahun: 6:00pm-10:00pm.

Hunuk: Tg. Suan Sian Lian( Secretary-ZIA)

• 1.Ki patna la: Zogam lapi(by WZC)
• 2. Preamble Simna: President-ZIA
• 3.Hun-ap thungetna: Rev. Neng Do Lian
• 4. Lasakna: Pa. Khaita “ Phamsa mihangt”
• 5. Lasakna: Esther Sian “ Heina peuh ah kagam ngaih aw ci-uh”
• 6. Daklam: Pu. Hau Hang(Treasurer ZIA) leh a lawmte
• 7. Zomi Nam Ni vai thugen na: Revd. Do Khan Khai
• 8. Lasakna: Esther Sian “Sawt Nawnlo ding”
• 9. Lasakna: Nu Sian Kim le Kimsan
• 10. Zomi Innkuan thukhunpi simkhiatna: Pu. Gin Sial Thang(Vice President-ZIA)
• 11. Lasakna: Esther Sian “Zogam mah ngai-ing”
• 12. Lasakna: Tg. Boihno
• 13. Sum vai pulakna: Pu. So Ngam( Accountant – ZIA)
• 14. Lapawl: ZYA
• 15. Lasakna: Tg. Siam Lian “ Vangsel Zolei”
• 16. Lungdam kohna leh Letsong piakna: Pu. Pau Muan(Assistant Secretary-ZIA)
• 17. Lasakna: Tg. Mawite “ Ei le Ei”
• 18. Lasakna: Esther Sian “ Zotawi Lia nu aw”
• 19. Hunkhak thungetna leh Zomite mailam ding: Revd. Lian Do Khup.
• Zan ann: BBQ leh cool drink