USA, New York pan Pi Khual Za Man (Buansing, Pyidawtha) in hongnusia
Mangpha Pi Khual Za Man (Kum 72) Buansing Beh – Pyidawtha khuami New York City aa ateng Pi Khual Za Man in abeisa September 5,2020 in Sin natna tawh hongnusia chih thu izak man in ZIUSA kipawlna mintawh dahpihna i pulak hi.
Pi Man pen abeisa kumtam pi tak ZIUSA ah ma apang tulaitak Advisor Dr. Do Khup,Dr.Pau Pi leh Pu Joseph Mung te i Pianna Nu ahihi. Pi Man Zomite kipawl khopna Zomi Innkuan New York City ah member khat leh ZIUSA Genvai member onglut ni 10/17/2013 akipan tunidong active member khat ahih manin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.
Pi Man luanghawm tawh anunungpen hunzatkhop ding hong tungding Saturday September 12, 2020 9:00am in Memorial Service (Papavero Funeral Home) ah Service man khit ciang Mt. Olivet Cemetery ah Rev. Dr. Do Sian Pau in vuina nei ding hi.
- Suah ni : December 12, 1947
- Sih ni : September 5, 2020
- Beh : Buansing
- Khua: Suang Zaang; Pyidawtha
- Body view : September 11, 2020 Time: 6-9 pm
- Papavero Funeral Home, 72-27 Grand ave., Queens, NY 11378
- Vui ni: September 12, 2020
Memorial Service:
- A mun: Papavero Funeral Home
- Speaker: Rev. Dr. Do Sian Pau
- A hun: 9-11:15 am
Service man khit ciang daitan na ding mun Mt. Olivet Cemetery ki pai suak pah ding hi.
65-40 Grand Ave. Queens, NY 11378
More: ZYA te’n Pyidawtha khuasung hawkguam tuiluan nading Pipe thuah
Pi Man hong nusiatna hanga adahakap alungleng khuangai Innkuan pih tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi – Zomi Innkuan USA, Inc.)
Comment piaknop aomleh...