Zeisu & Judah Mi te & Zomi te
Kamsang te genkholhna ombang in Topa Zeisu Leitung ah ongpai ciang Judah miten Zeisu peen Leitung kumpi ding in ngaihsun in Kumpi Inn sung ah suak in thupi tak leh kilang lialua tak in apaiding in lam en uh himah leh Topa Zeisu peen kiniam khiattak in Bethlem Khuaneu bawng ann neekna kuang sung ah Marry gilpi kawm in ongsuah ciang Judah mi te amit hah uh ai-mit-deh bangpah in lam etbei in om uhhi.
Ahizong in ataktak ah Zeisu peen Judah mite lam et nasang alianzawpek Leitung mikheempeuh gumkhia ding a apa sawlna banga ongpai na higige hi. Tua thu atel asang mikhempeuh in nopna ngah hi.
Tua bang ngeei in tutung 2015 kum Kawlgambup kiteelna ah Zomi party ZCD pan Zomi MP-6 in teelcinna ongngah ciang Zomi bup lungsim ah Ipu te-6 peen Kumpi zalian pipi, Panmun sangpipi ngah ding cih ilam etna hia, Ahizong in Zomi Mipi te lam etna bang onghilo in Ipu te MP panmun ah kiptak in ong om uhciang Zomi Mipi lampan i mit hah onghi gualgual keei tawh kibang hi.
Tuabek hilo Zeisu bawngkuang sung ah Marry sungpan kidaaithah tak in ongsuah ciang Kamsang lamgpang te leh Tulai pau leh Piangthaklo te ongkisaan mahmah uha, zahkona, Zahpihna ongging ziahziah hi.
Tua mah bang in tun zong Zomi langpang te leh Angsung gilpi ciang akhual mi pawlkhat huihlak ah ong awngkeek ziahziah ta uhhi.
Ataktak in hih Ipu MP-6 te peen eitaang a Paliament ah thusung ding MP a isawl hia, Koimah ah napai selo in MP mah ah anakip uhpeen ei Mipi tung ah ong thuman mahmah uh cihna ahihi.
Union Level, Kumpi, Minister seemding icih te peen MP te hikhinpah sese lo in Mipil tampi ineih akul ban ah Mipi mahmah ikipumkhat kuul a midangte zahtaak khop ding in ikauhpai kuul ahihi.
Zomi te peen Apil sunsun gamdang kipusuak mang, Laipil sunsun leeklo, Aleek sunsun pillo, Ami mahmah tawmlaai ban ah Mite zahtaak khop ding in Voice kinei zo nailo ahihman in hiciang itun zong Topa tung lungdam kohkoh ding hiphot hi.
Ihihna ciang ah lungkim phot ding hang a kuamah kimawksak seselo in Kikhuk a Topa tung thu ngetnget photding longal imaban omlo in kamu a Zeisu bek mah Zomi ten Masuan photleeng cin kongzawn hi.
Thang Khawm Pauzomi
Comment piaknop aomleh...