Red Bull dawndawn te guihtheih khamtheih zattawh kizom suakthei

Red Bull dawndawn te guihtheih khamtheih zattawh kizom suakthei

Thahatsak, thakhauhsak Energy Drink namkhat ahi Red Bull tampi dawndetluat pen hoihhetlo hi. Cocaine Addiction kisuakthei hi ci’n mipil misiam Experts te’n genkhia uhhi.

University of Maryland panin thuthak kankhia Researchers te’n kum 5 sungbang Study abawlbawlkhit uhciangin amukhiatna uh pulakkhia uhhi. Hih Energy Drink akici Red Bull alimdawn mahmah, adawnden khangno tepen guihtheih khamtheih Drug te azangsuak tammahmah uh cimawk hi.

Red Bull limdawnluatna panin guihtheih khamtheih zatnopna Cocaine Addiction hongtunthei cimawk hi. Vankham Cocaine azatkei lehzong zu dawngawpthei uh, Heavy Drinkers piangthei uh cihi.

Hihbangin agenkhiatma un Researchers te’n khangno kum 21 panin kum 25 kikal aphakhin khangno honkhat a etcik dikdekkhit uhciang in agenkhiat uh ahihi. Kum tuakikal khangno bekbek akigawm in mi 1099 bang a etcik uh hi a, a ekcik hunsungzong kum 5 sungbang ahihi.

Tuabang in khangno mi 1099 tungtawn in kum 5 sungbang Study abawlbawl uhciangin tualak pan 51.4% bangpen lauhuai mahmah dinmun tung uh cimawk hi. (Most at risk)

Hih mipil misiam te Researchers te pulakkhiatna Study tungtawn in eizong ihki doptheihding thupi hi. Zomi sungah nulepa pawlkhat te’n atate Red Bull adawn saksaklel ommawk hi. Naupang kum 6, kum 7 khawng phapan in, Red Bull aduhleh dawnsak, Coke (Coca Cola) aduhleh dawnsak cihbangin aduhduh adawnsaklel nulepa pawlkhat ommawk hi.

More: Na tangek suakcil te nakhualna in zatep hong kidawm dihve lawm

Red Bull pen abungtung ah Energy Drink akicih mahbang in Taurine, Caffeine, Sucrose cihte tampi kihel a, naupang bekthamlo, uliansa te adinginzong hoihkhin hetlo kici hi. Naupang te adinginzong thahatza “Energy Drink” pen kisapna omnaikhollo khading hi. Nulepa te’n ihtate aneutung akipan aduhduh, adeihdeih leisak, a utut in ih omsakgawp pen lampialsak kihithei a, Paunak 22:6 tawh ihki lehbulhsak khakding lauhuai hi. Sawltak #zomidaily