Zomi leh Mizo ten kipawl khopding geelna nei

Zomi leh Mizo ten kipawl khopding geelna nei

UN zumpi leh Worldcup zumpi omna Switzerland gam Zurich khuapi BWA Meeting panin Zomi Baptist Churches of America (ZBCA )leh Baptist Church of Mizoram (BCM) te in mailam ah Pasian gam leh imite mailam Ding Ngaihsutna tawh kizopna neih dingin geelna nei uh hi.

July 6,2018 ni-in GS tuak leh President te in sign thuhna nei uh a, mailam ah a hun hunin kizopna athupi thei thei in neihkhop dingin geel uh hi . Mailam ah Mizo te Biakna Khawmpi te ah Chief guest dingin Zomi te hongsam Ding uh a , Zomi te Khawmpi ah Mizo te zong kisam khawm thei Ding hi.

Leitungbup a om ZOmi te kipumkhat ban ah Mizo te tawh zong kizopna nei a Pasian gam ading leh imi te adingin Leitungbup Level in itna tawh khut kilen dingin geelna leh lunggulhna nei hi.

Maikum BCM Khawmpi Lunglei khuapi ah ZBCA Makai pi te hongsam dingin hong genpah uh a, Mizo leh ZOmi te kikal ah ki lawmtatna hong khangsemsem dingin lunggulhna om hi .

Topa in ZBCA tungtawn in Leitungbup a om Zomi te biakna vai leh Minam vai ah kipumkhatna hongpiakna dingin Thungetna kinei hi .

ZBCA tawh kizop pih Biakna kipawlna te :

• 1- Baptist World Alliance
• 2- North American Baptist Fellowship
• 3- Christian Churches Together-USA
• 4- ZOmi Baptist Convention of Myanmar
• 5- ZOmi Baptist Church – Mizoram
• 6- Agape Mission Church- Australia
• 7- Baptist Church of Mizogam ( Geelna )

Kizoppih Ding Mizo te dinmun :

• 1 -Church -677
• 2- Pastor-140
• 3- Member- 137,988

ZBCA thapiak naseppih te :

• 1- GZA
• 2- LZI
• 3- ZIUSA
• 4- ZYA
• 5- Siamsin
• 6- Zosiam
• 7- ZOmi mintawh na hoihsem kipawlna khempeuh Tha pia hi .

ZBCA in Zomi Identity leh Movement nasepna te thapia hi .

Thu pulaak
GS, ZBCA
July 6,2018.