New York ah innkhat puaktam in meikang
Thursday ni in New York City’s East Village aom Apartment khat puaktam in kuangzaizai ahih manin meiphelh Firemen te buaimahmah uhhi. Hih inn kicim meikang hangin mi 12 peuhmah liamna ngahding in ki lamen a, tualak ah mi 3 tepen huaisia mahmah phadiak cih Fox News pan kiza hi.
Apuakkham Apartment pen dawl 5 aphakhat hi a, 2nd Avenue leh 7th Street kikal aom ahihi. Nitaklam 3:20pm pawlin apuakkhamzai hi a, ngaihkhia luamahmah cihi. Inndawl anuainungpen ah Sushi Restaurant khat akihong hi a, tua saivan teng lamzikpi tungah lengkhia zihziah hi. Tuabek thamlo apuakkham pen khauhlua mahmah ahih manin, amai lampilangkhat aom Cafe sai ii akongkhak nangawn puaktam sakzoliang cimawk hi.
Kongkhak man kitam leh ninthem vive lampitung ah kithehthang ziahzuah a, meikhu dimneinai in vommengmang a, meikhu gim pen agamlapi pekpan inzong kiza liang hi.
Mayor Bill de Blasio in Press Conference ah agenkhiatna ah hihpen Gas tawh aki zawitawn in apuaktam hiding cihi. Ahi zongin ahang taktak gentheih nading in kancian kullaiphotding ahih manin, bangmah gencian theinailo cih kiza hi. ZD Sawltak #zomidaily
Comment piaknop aomleh...