Zomi it ten bang ngaih sun ding ih hiam?

Zomi it ten bang ngaih sun ding ih hiam?

Zomi it sang gam te ; Bangbang ih gengen zong in Zomi a tam zaw te tenna pen Kawlgam mah ong suak hi.Kawlgam kumpi ki ukna hoih leh hoih loh in ei te ong huam kha den kei ding hi.Ih gam ih lei a ding minam a ding semni bawlni ih cihcih hang,Kawlgam ki ukna hoih kei peuh leh bang mah ki sem thei tuan lo leuleu hi.Hi khempeuh a lenpi pen ki ukna Constitution ong hihi.

Tu lai tak Kawlgam sung thu thang penpen in,2008 -Constitution puah ding cih hi a,Puah theihna ding zong Upadi ah om sam hi.Tua pen, 436 hi.Tua Article 436- sungah a thupi mahmah Article 40 val om hi tua teng pen ki puah zo kei leh ih ngei mah in ngei ding cih ki tel ciat hi.

Hi Upadi puah zawh nang pen Galkap 25% leh USDP MP te tung kinga a,tua teng in Democracy dik tak deih in,Federal gam suah ding a ut nak leh a mau khut sung vuah om leuleu dan hi.

A hih hang in,puah zawhna ding vai pen tu a teng ut phalo in thu ki zaza ta hi.A lang khat lam pan Aung San Suu Kyi leh 88- makai Min Ko Nai ten lah puah loh pha mawh ding Parliament sung pan a ki puah zawh kei leh a pua lam pan mipi thukimna tawh puah ding ci in awngawng uhi.

Ong pai ding Friday ciang in President U Thein Sein leh Aung San Suh Kyi,U Hkun Htun Oo (UNA buppi tang,tua Alliance ah ZCD kihel) USDP makai,NUP makai,NDF makai,leh Sai Aih Pau (Taizinta nginaung party makai) te tawh Political dialogue vai in kimu ding cih hi,tua zong US,President Obama ong hawh ding ci a ki lawm sakna hiam ki ci hi.

Hi teng thu om sung pan Zomi,Zogam vei ing a cici ei teng in bang ngaih sun ih hiam ,ki kupkup hun ta hi.ZCD in bel a kician tak in pulak khia khin hi.Tua lo ki pawlna tuamtuam ten zong ngaih sutna ong suah tek un. lung hi mawhna tawh —-

Kamlian