Dahna Pulakna: Mangpha Julia Cing Sian Hawm, Indianapolis

Zomi Innkuan USA
Executive Committee

Dahna Pulakna: Mangpha Julia Cing Sian Hawm

Indiana State, Indianapolis khuapi a teng Pa Khen Hang leh Nu Cing Lam Nem-te tangek, Lia Julia Cing Sian Hawm in damlohna hang tawh Nov. 15, 2014 ni in Riley Zatopi panin a leitung nuntakna hong nusia hi. Lia Julia pen a nu gilsung panin kha cing nailopi in, Sept. 27, 2014 ni a hong suakkhia hi a, a nu leh a pa in cidam takin hong khankhiat theihna dingin akep uh himah leh, kha khatval ahong nuntakpih khitciang in abawlpa Pasian kiang hong zuatsankik ahi hi.

Lia Julia hong nusiat manin adah akap a om, Pa Khen Hang leh Nu Cing Lam Nem-te nupa leh Lia Julia’ utegel a kipan, meeltheih tanaute, khua leh tui, pawlpi mipihte leh Zomi Innkuan Indianapolis kipawlna tawh a kibang in Zomi Innkuan USA, Executive Committee pawlzong kidah mahmah hi. Lia Julia’ luanghawm pen Nov. 17, 2014 ni in Sia Pau Do Lian’ makaihna tawh Pawlpi in hanmual ah kikhakhinta hi. Ngeina om bangin, ZIUSA kipawlna in Zomi Innkuan Indianapolis Makaite tungtawn in dahna tawh gaalna sum (Paakkual aitang) kipia ding hi.

Adiak in, Pa Khen Hang leh Nu Cing Lam Nem in ta li a neih sung pan Lia Julia tung a, a tangek penzong nikum in mual hong liapsak hisawnsawn ahih manin, amaute tawh akibangin nakpi takin kikhasia hi. Pa Khen Hang pen Zogam ah Haupi khuami, Sukte beh hi a, US gam ah kikhuasa in innkuan cidam khat alam ding a hong peemta ahi hi.

Lia Julia Cing Sian Hawm hong nusiatna hangin adah akap lungleng khuangai a om laizom u leh nau, nu leh pa, lawm leh gual khempeuh anungta Pasian in hong hehnem henla, adamlai teng cidam takin nisim mabante ah thupha leh thathak tawh a kalsuankik zo dingin ahong siamna dingin thu ka ngen uhhi.

Dahna tawh;

Executive Committee
Zomi Innkuan USA, Inc.

Tulsa, OK
November 17, 2014