Thadah hunteh Izuih Isep dingte
1. Kisil siang ding, 2.Kipuah kizeem setsat ding, 3. La hoihno ngai kawm ding, 4. Online ah thuthak sim ding, 5. Naupang te tawh kimawl ding, 6. Tuibual na ah paiding. 7. Gamsung ah vasa ham hoihno te ngaiding. 8.Ahing silsial sing te en ding. 9. Nitak in vantung aksi te en bangzah ciang kasim thei hiam cih kisin ding. 10. Thu hoih ngaihsun in laigelh zel ding.
11. Lapeuh phuak pong in laaw zong in sa hiauhiau ding. 12. Lungnop zong in Pasian phatna bawl zel ding, 13. Innpua lam ah pusuah in aktai thakthak zel ding. 14. Zi leh Pasal nei khin sa te Nupa in kinohnoh na hun nei zel ding, 15. Nungak Tangval lai ihih leh Zawllai khak lamkam thuk nono gelh pong ding, 16. Khantoh nasep zia lawmte tawh kikum guapguap ding, 17. Daai khikhe in nektheih dawntheih ne ding khamtheihna hisaklo ding,
18. Liimsuaih peuh bawl zelzel ding 19. Nisim innsung vanzat Kuang,Keu, TV, Phone , Mawtaw Silh leh teen te athak in mu in velvel ding. 20. Ciamnuih liim leh Ciamnuih thu ending simding. Ei nguak nui kelkel hun peuh nei ding.
21. Music tuamtuam peuh tum ding asiam mahmah kineih ding. 22. Paingei lohna mun khat peuh pai ding. 23. Paak huan paakhoih te en ding. 24. Congfu siam mahmah dan in kipei kiaukiau ding. 25. Nasep na boss te hong cih kampau te ciamnuih na bawl kik sinkik in hi guapguap ding. 26. Kuama muh loh kilak lamsiam te lamdan sinsim mawkmawk ding. 27. Lawm ki ngaihpih tetawh kiho dan siamzia leh siamloh lungngai kik in Nui hiuhiau ding.
28. Apiang theilo thu leh Apiang theithu khentatna ngaihsun thugel na nei gemngam pong ding. 29. Hehsuak hunlaitak omzia te lungngai kik in Lahong in lam zehzeh pong ding, 30.Kumpi pa thugenna leh asepna te lungngai kik ding
31. Khat veivei Kumpi pa hizenleng kanasep ding cih ngaih sun ding, 32. Pasian hi zenleng hici bawl ning cih ngaihsutna la ding. 33. Leitung bupah ahau pen hileng tua sem ding cih gel ding, 34. Minam sung ah apilpen pa/nu ii apian na pu hikha zenzen koibang in ka omnam cih gel vivuu ding. 35. Leitung ah mawhna khialhna beilo kimaisak theihna thunam bangzah bylaw ka bawl khia ding hiam? cih gel teitai pong ding.
36. Laimal A bekbek, B bekbek , Ci bekbek kizang kammal te kaikhawmkhawm in gen denden siam peuh kisin ding. 37. Migilo Palik, Dahmaih tawh kituak kha leng bangcih suahtakna lampi gel ding cih kisin mawmawk ding. 38. Khuado, Sialsawm hun a Thu kigen te aliim in suaih sawm pong mawk ding. 39. Innsung gankhawi Ui, Zawhngeu, Ak te dinmun anpiak hun piak loh aomzia encik in laibu in gelhgelh ding.
40. Huansung ah icii’n Mehteh mehgah te leizaa piak leh piak loh Tuipiak leh piakloh akilamdanna te encik in thupha ipiak leh thupha kingah kik ahih na ciamtehteh ding. Tuateng nazawh khitteh “ZO ING EI”‘ cih ngaihsut sa-in nasep lut kik in kipan kik zel ding ahihi. Tu ateng nasep loh hunsung a thadah te sep ding ahihi. Ih mumu loding cih deih ahihi. Hau Thang
Comment piaknop aomleh...