Zomi Idol ~ Paul Mung Khan

Zomi Idol ~ Paul Mung Khan

Zomi Idol koi pan hong ki pan hiam? Amirican Idol pan a, a ki la min hi. Hih American Idol pen a nungta Pasian um lo te phuah leh pat tawm ki demna hi a la leh laam leh pumpi tawh ki mawlna siam te ki demna hi a, a khatna ngah te in, dollar million khat ngah hi.

Idol cih pen, a nungta Pasian um lo te in, a biak, a pahtaak, a it, thupi a sak pen, miliim, van leh na te leh mihing, ganhing te khat peuhpeuh hi thei hi. A nungta Pasian um te in, idol ki nei thei ngiat lo ahihi. Pasian bek i it pen leh i kih taakpen a hih den kul hi. Pasian sangin mihing te na khihtaak zawk a, thupi sazaw in, na muan zawk leh na idol , na pasian hi pah hi.

• Leitung ah tonih bek om a, a nungta Pasian leh sum, dangka ahihi. Mat.6:24
• Pasian sangin sum na it zawk, na thu pi sak zawk leh idolatry miliim bia na hi pah hi.Eph.5:5; Col.3:5
• Miliim bia peuhmah vantunggam lut vet lo hi. Mang.21:8

Zomi Idol pen American Idol a cih paakta a, a ki phuan hi a, Zomite a nungta Pasian bek thupi sa a, biakna pan in, sumlehpai, nate leh mihing lasiam, thugensiam te thupi sazaw a, biakna lam ah hong manawh pih khat ahihmanin a min mahmah zong a, idol , pasian cih kammal ki hel pah hi.

LaiSiangtho lui hun lai in, Israel mite zong a nungta Pasian bek a biakna pan in, a ten na gam a, minam dangte leh a kim a paam gamte in lawh a, milim biakna lam ah a tai kik ciangin hamsiatna a thuak bangin, Zomi Idol a om zawh bekbek in, Zomite lak ah buaina tampi hong piang hi.

More: GZI Feedback: Idol khiatna banghiam? ~ Stephen Mang

Zomi te a kua mah peuh in i idol, i biak tuamtuam te, nu sia in, a nungta Pasian bek bia in, a mah bek thupi sak, saang sak pen ding in, Pasian ah ciah kik ni. Paul Mung Khan